Jan Harbers
Jan Harbers (Aalten, 1952) is een Drèentstalige schriever en ien van de redacteurs van Drèents letterkundig tiedschrift Roet.
Harbers gruuide op in de Veenkelonies in oost-Drenthe. Hij warkt as leraar in 't voortgezet onderwies en hef miteschreven an verscheiden schoelboeken veur netuurkunde.
Naost zien redacteurschop van Roet is Harbers veurzitter van De Literaire Hemel, een stichting die meertalige literaire activiteiten wil bevördern en bijienkomsten organiseert in 't Drèentse dörp Aomen. Wieder besprek Harbers literatuur veur RTV Drenthe.
In de Nedersaksische verhalenbloemlezing Angst en verlangst (Het Drentse Boek, 2010) stunden van Harbers de verhalen 'Laogie' en 'Ontdaon'. In zien prozawark schetst hij vervrömdende situaties en lat e veul te raoden aover. Hij dreug ok bij an de gedichtenbloemlezing Drenthe is best mooi (op Google Maps) (Het Drentse Boek, 2014). Geriegeld is der wark van hum te vienden in Roet.
Bronnen
[bewark | bronkode bewarken]- Nijkeuter, Henk (2016), Waor roet en blommen wortel schiet in 't veld: Geschiedenis van de Drentse literatuur 1945-2015, Beilen: Het Drentse Boek
|
Dit artikel is eschreven in 't Zuudwest-Drèents. |