Hyves

Oet Wikipedie, de vraaie enzyklopedie
Gao naor: navigasie, zeuk
Beeldmoark van Hyves

Hyves (Engels vuur biejnkörve) is nen Hollaandsen webstea woerop zik leu gratis köant anmeeldn duur n profiel an te maakn. De stea besteet seend 2004 en hef oawer de 7,5 miljoen leedn. De stea is dr op erichet um oew vriendenkreenk oet te breaidn. Det kan met leu dee'j al keant (en zik ook bie Hyves hebt an emeeldt), mear kan net zo good met leu dee'j op Hyves leart kenn. Zo bouw iej oew netwoark oet. Hyves is begunn duur Raymond Spanjar, Koen Kam en Floris Rost van Tonningen.

t Makkelike van Hyves, in teegnstellige tot aandere sosjale netwoarke, is de'j nit met html of aander programmeerspul kunnig hooft te wean.

Soorten Hyves[bewark | bronkode bewarken]

Op Hyves kö'j ne Hyve opzeukn den at biej oew past. A'j biejvuurbeeld voetbal as leefhebberieje hebt, meeld iej oew an biej ne voetbal-hyve. Iej köant oew bie zovölle biejnheupe anmeeldn a'j mear weent. Dr beent onmeundig völle hyves vuur oeteenloopnde interesses. Ze beent in edeeld in verskeaidene kattegeriejn, zo as meziek, sport, of kultuur. Dan he'j nog hyves dee't stoat vuur n politiek peunt of mennige, of vuur anhangers van bepoalde persoonn of groepn.

Bekende leden[bewark | bronkode bewarken]

Völle politici hebt de kracht van Hyves in ezeen en hebt vuur de verkiezingn van 2007 n profiel op den stea an emaakt. Eankele vuurbeeldn beent Wouter Bos, Geert Wilders, Famke Halsema en André Rouvoet.

n Hudigen Minister-President Jan Peter Balkenende meeldn zik ook an en kreeg vanof det'e zik anmeeldn töt april 2007 mear as 64.000 vrienden. Zelfs de politie gebrok Hyves um verdachtn op te zeukn, duur signalemeantn met profieln te vergeliekn.

Mezikaantn[bewark | bronkode bewarken]

Völle bekeande ärtieste hebt zik an emeeldt oonder Hyves Music (Biejnheupe Meziek), um zo n grötter pebliek an te könn sprekn. Disse mezikaantn kriegnt dan n spesjaal meziekspöllerken op öare profielpagina, woermet ze öare eegne meziek köant promootn. Eankele bekeande artieste en dj's dee't hier gebroek van maakt beent Michiel Veenstra, Miyavi, Alpha Twins, Erick E, Cor Fijneman, Roog, Di-rect, Gerard Joling R.O.O.O.M, Opgezwolle, Tiësto, Ilse DeLange, Birgit Schuurman, Do, Esmee Denters, Krezip en Marcel Woods.

Veardere informasie[bewark | bronkode bewarken]

Duurdet Hyves zovölle leedn hef, beent dr vaake probleemn met loadsnelheaid of verbeendings dee't nit woarket. Dit nemt völle leu vuur leef, en zodöanig is Hyves ekeuzn tot populairste stea van 2007.

Veraandering[bewark | bronkode bewarken]

Duurdet t internasjonale netwoark facebook in kortn tied oetgröaidn töt n völle populeardere webstea as hyves, mos Hyves met aandere ideejn komn um te bliewn ansprekn. 2011 kondigen ze an at ze oawergungn as Content Platform, en nit mear zovölle as sosjaal netwoark.

Oetgoande verbeendege[bewark | bronkode bewarken]

Nuvola apps ksig.png Disse pagina is eskreewn in t Riesns