Hillegom

Uut Wikipedia, de vrye encyklopedy
Gemaente Hillegom
Vlagge van de gemeante Hillegom Waopn van de gemeante Hillegom
(Vlagge van Hillegom) (Waopen van Hillegom)
Lokatie van de gemeante Hillegom
Lokatie van de gemeante Hillegom
Informasie
Proveensie Zuud-Hollaand Zuud-Hollaand
Heufdplaatse Hillegom
Geografie en bevolking
Öppervlakte
 - Laand
 - Water
13,48 km²
12,87 km²
0,60 km²
Inwonners
Bevolkingsdichtheid
20.310 (1 juli 2006)
1.578 inw./km²
Koordinaten 52° 18′ N, 4° 35′ O

Koördinaoten: 52° 18′ N, 4° 35′ O

Aoverig
Belangrieke verkeersaoders N207, N208
Netnummer 0252
Postkode 2181-2182
Offisiële webstie www.hillegom.nl

Hillegom is n darp en gemeente in de Bollenstreke in de Nederlandse previnsie Zuud-Hollaand en hef ne oppervlakte van 13,48 km² (woarvan 0,60 km² water). Den name Hillegom kump van van de abdi-je eneumd "Hijlighem" woar et darp later umhen is ebouwd. Vandage den dag besteet dizzen abdi-je neet meer.

Hoarlem-Hillegom[bewark | bronkode bewarken]

Howal de gemeente Hillegom deel uutmek van de Bollenstreke en teggenwoordig samenwarkt met gemeenten uut de regio Hollaand Rijnlaand, bunt de inwonners van dee gemeente in moatschappelek opzicht veural ericht op noabergemeenten in Noord-Hollaand, de stad Hoarlem in et bi-jzunder. Vanof olde tieden hebt de inwonners starke baanden met dit gebeed. In de jaoren 70 van de veurege eeuwe hef den gemeenteroad van Hillegom zelfs n besluut enommen um ansluting te zeuken bi-j de previnsie Noord-Hollaand. Dit besluut is echter nooit te pas ekommen.


Bollenstreke[bewark | bronkode bewarken]

Hillegom is de noordelekste gemeente van de Duun- en Bollenstreke van Zuud Hollaand. De noord- en oostgrenze is geliekertied de previnsiegrenze.

Hillegom grenst in et noorden an Bennebrook, in et oosten an Beinsdarp (gemeente Hoarlemmermeer), in et zuden an Lisse, in et westen an Den Zilk (gemeente Noordwiekerholt) en in et noordwesten an Vöggelenzang (gemeente Bloomendaal). De grenze met et Hoarlemmermeer is de Ringvoart van den Haarlemmermeerpolder, de grenze met Den Zilk is de Leidse trekvoart.


Bezeensweerdig[bewark | bronkode bewarken]

  • Et blomencorso dat in de tweede helfte van april deur et darp geet
  • De oaverbliefselen van et höf van Hillegom (noe roadhuus)
  • De tulpenvelden
  • Et polderlaandschop lengs de rengvoart
  • Et Fordmuseum; de grootste partikulieren verzoameling Ford-auto´s ter weald

Treslong[bewark | bronkode bewarken]

In de beginjoaren van de Nederlaandse televisie wodden de grote zale van et gebouw Treslong völle bruukt veur optreadens. Et beroomdstem optreaden verzorgden The Beatles in juni 1964. Zi-j gaven n playback-TV-optreaden veur de VARA. Den schouw woarin dat beurden wodden epresentierd deur Herman Stok en Berend Boudewijn.

Vanof 2005 besteet et gebouw Treslong neet meer. Et is gesloopt en hierop wodden in 2007 de ni-je wonwiek "De Marel" ebouwd.

Parken[bewark | bronkode bewarken]

  • Heemtuun: Et bekandste park in Hillegom is den Heemtuun. Heel groot is et neet, moar volgens veul leu wal mooi. Et park is eleagen an de Ringvoart in de wiek Elsbrook. An de achterkaante ku'j an et water zitten, met uutzicht op Beinsdarp.
  • Vossenpark: Dit park ligt veur dreekwart um zwembad Den Vosse hen, en hef ne olde kinderboerderi-je.


Uutgoande verwiezing[bewark | bronkode bewarken]

Galleri-je[bewark | bronkode bewarken]