Heemenneke

Uut Wikipedie, de vrye encyklopedy
Naar navigatie springen Naar zoeken springen

De Heemennekes (Tweante) of Heemannegies (Drenthe, Noord-Oaweriessel) beent een volksken oet oolde Oost-Nederlaandse volksverhalen. De leu meanen det et roonddwellende zelen beent, dee't bie leawen wat hadden oet evretten. Doarumme mut ze noe dwellen en vaalt ze leu lastig. Nöast at de verhalen oawer de Heemennekes nen stichteliken bosskop hebt, wörden de verhalen ook as vermaak duurverteeld.

De Heemennekes daankt öaren naam an et geleuf det de dwellezelen as kleaine kearlkes langs de weg zatten, en leu dee't 's naches op pad warren lastigvöllen met tooverdan "Hee!" te skrewen en ze dwars te liggen.

Net as met de volksverhalen oawer de Witte Wiewe bestoat der meardere verhalen oawer de Heemennekes, dee't dan met mekaar et volledige beeld geewt van wat de Heemennekes beent.

Vuurbeeld[bewark | bronkode bewarken]

Een bekeand Tweants verhaal geet der oawer det de Witte Wiewe verskel hadden met de Heemennekes. Et verhaal geet det de Witte Wiewe in de oolde grafheuwels bie Rossum wonnen. De Heemennekes veunden det ook wal nen mooien steaden. De Witte Wiewe wollen öare wonnings natuurlik nit ofstoan, wat oeteaindelik op nen veeldslag oetleup. Der wör ne ofspraak emaakt um et op te lössen: De Witte Wiewe blewen woer't ze warren, want zee wonnen der ja et lengste. De Heemennekes mosden aargens aanders wat bouwen. Mer et meuiste Witte Wief mos trouwen met de keuning van de Heemennekes.[1]

Nut[bewark | bronkode bewarken]

Et nut van et Heemennekesgeleuf was um de leu zik te loaten gedreagen, want steelt oe vuur de'j zelf zo'ne onröstige, dwellende zele zollen worden. Leu dee't zik bangen vuur de Heemennekes gungen bie zikzelf noa of ze wal good leawen en passen öar gedrag der op an.

Nöast et stichtelike van de verhalen zat der ook een vermaak in. De verhalen stamt oet de tied det de meeste leu nit konnen leazen of skriewen, dus beukevermaak was der nit of hoaste nit. De verhalen wörden um et veur verteeld. Mangs, as der bekeand wör det der nen verteller op bezeuk kömmen, wör de hele noaberskop eneugend um noar de verhalen te lusteren.

Heemennekes in de beuke[bewark | bronkode bewarken]

Oawer Heemennekes is nit völle skrewen. Ook nit in de Neersassiese skriefkeunsten. Et ennigste bekeande verhaal wat de Heemennekes angeet keump van G.B. Vloedbeld in zin book Mans Kapbaarg, woerin et ene van de heuwdfiguren tiedens een gevecht in et Fraanske leager wörd ehulpen duur de Heemennekes, umdet hee de Heemennekes earder hef ehulpen.

Reffereansies[bewark | bronkode bewarken]

  1. bymerel.nl. Nationaal Landschap Noord-Oost Twente. Sagensafari: Kijk uit voor de Hellehond. 24 september 2010