Haskerdieken
Haskerdieken (Nederlaans: Haskerdijken, Fries: Haskerdiken) is een dörp in de gemiente Scharsterlaand, in de Nederlaanse perveensie Frieslaand. Et leit in et noordwesten van Et Vene, tussen de A32 en de Heeresloot, en had in 2004 omdebi'j de 390 inwoners.
Et dörp is ontstaon bi'j et klooster Hasker Konvent dat in 1231 opricht wodde. De monniken van et klooster weren doende mit et ontginnen van et gebied en legden dieken an. In de 19e ieuw wodde in et zuden van et dörp een ni'je brogge bouwd; hier ontston et dörp Ni'jebrogge, dat mit Haskerdieken een twielingdörp vormt. Tot de gemientelike herindieling van 1 jannewaori 1984 beheurde Haskerdieken tot de gemiente Haskerlaand, wielst Ni'jebrogge tot de gemiente Et Vene rekend wodde. Spitsendiek, een kluster woningen en een boerkeri'je an de oostziede van rieksweg 32, vaalt now ok onder Haskerdieken. D'r leit een tunnel onder de rieksweg.
