H.J. Bergveld-pries
De H.J. Bergveld-pries is een pries veur schreven of spreuken Stellingwarfs (uut Frieslaand, Overiessel of Drenthe) van literaire of taelkundige aord. Et wark moet een belangrieke betekenis veur de Stellingwarver tael hebben of had hebben. De pries is in 1981 insteld deur de Friese gemientes Weststellingwarf en Ooststellingwarf.
Mit de pries willen de gemientes et verzorgd bruken van et Stellingwarfs in verschillende domeinen anvieteren. Ok willen ze mitwarken an et uutbouwen van de Stellingwarver kultuurtael.
De pries is nuumd naor de vrogge Stellingwarfstaelige schriever Hendrik Johannes Bergveld (1902-1966) en bestaot uut een penning mit daorop de anduding 'H.J. Bergveld-pries' en een geldbedrag van 1000 euro.
De uutreiking, omstebeurten deur de borgemeister van Weststellingwarf en die van Ooststellingwarf, was tot 1987 twiejaorlijks, van 1987-2003 vuufjaorlijks, en is sund 2003 zesjaorlijks. In 2001 is de pries niet uutreikt.
Winnaars[bewark | bronkode bewarken]
- 1982: Hendrik Vondeling veur de boeken Haarm, Harm en Maatien en Jouk
- 1984: Johan Veenstra veur de roman Naachs goelen de honnen
- 1986: Pieter Jonker veur Dikke Doezerd!, de Stellingwarver overzetting van een kienderboek van Dolf Verroen
- 1991: Johan Veenstra veur de roman Een vlinder van zulver
- 1996: Fokke Middendorp veur et boek Huus op 'e Miente: Et levensverhael van Batteld Nijhoolt
- 2003: Henk Bloemhoff veur zien verdiensten veur et Stellingwarfs
- 2009: de Stichting Stellingwarver Schrieversronte
- 2016: Ruurd Jelle van der Leij & Freddie de Vries veur et Stellingwarver voegelboek
Uutgaonde verwiezing[bewark | bronkode bewarken]
|
Dit stok is schreven in et Stellingwarfs. |