Grolse Slinge
.JPG)
De Grolse Slinge (Nederlands: Groenlose Slinge) is ne bekke dee achter Wenterswiek ontsprunk en dan noordelek langs Grolle streumt, zodat zee dizze naam drög. De bekke mundt oet in den Berkel, tussen Lochem en Borklo.
De Grolse Slinge was n meanderend riveerken dat in olde tieden Slinck of Slingen eneum wödden. Et hef neet altied dezelfden löp ehad. Zo streumden et vrogger deur de stadsgrachte van den veste Grolle. De Slinge hebt zi-j later verlegd lengs et noorden van Grolle, en in de 20e eeuwe is zee veur n groot deel gekanoaliseerd veur ne bettere waterofvuur.
Achter Wenterswiek kump ne andere bekke et laand binnen, dee zudelek lengs Wenterswiek streumt: de Boaven-Slinge of Slingebekke.
Herstel van de bekke[bewark | bronkode bewarken]
Deur et Waterskap Rien en Iessel is de Slinge an-emarkt as Ekologiese Verbindingszone. Um de Slinge dizzen warking wier trög te geaven, en de bekke wier ne mooie en natuurleke oetstroaling te geaven, is in 1998 begonnen met bekkeherstel bi-j Grolle. De Slinge kreg wier ne meanderende uutstroaling, met brede uutstreumgebeeden. Sinds et vortgoan van de Grolsch-brouweri-je uut Grolle in 2005, is et meugelek om ok bekkeherstel noordelek van Grolle uut te warken.