Gerrit Kuipers

Uut Wikipedia, de vrye encyklopedy
(döärstüürd vanaf "Gerriet Kupers")
Gerrit Kuipers in 1978

Gerrit Kuipers (Drèents: Gerriet Kupers) (Schonnerd, 20 september 1918 - Möppelt, 30 april 2011) was een Drèentse schriever die in 't Midden-Drèents en Nederlaands schreef. Hij was ien van de oprichters van Drèentstalig tiedschrift Oeze Volk.

Leven en wark[bewark | bronkode bewarken]

Kuipers gruide op in Börk en kwaamp bij de ambtenaorije terechte. Achterienvolgens warkte e bij de gemientes Börk, Börger (vanof 1956) en Hardenbarg (vanof 1966 töt zien pensionering in 1983).

Vanof 1946 publiceerde hij Drèentstalige schetsen in streekkraanten as Nieuwsblad voor Beilen en Westerbork en omstreken. Veur de Regionaole Umroep Noord schreef e vanof 1952 honderden teksten. Mit de Drèentse schrievers Hans Heyting en Gerard Nijenhuis richtte hij in 1956 't maondblad Oeze Volk op. Hij publiceerde in tiedschriften as Oeze Volk, Maandblad Drenthe, Waardeel en de Drentse Almanak (waorvan e van 1988 töt 1997 redacteur was) en had columns in regionaole kraanten staon. Van 1956 töt 1971 was e bestuurslid en van 1971 töt 1983 veurzitter van de Drentse Schrieverskring.

Hij schreef tenielstokken, openlochtspöllen en historische revues en vertaalde Anne de Vries zien roman Bartje kats in 't Drèents (Kok, Kampen, 1984). Roem veertig van zien beriemings stunden in Psalms en gezangen in Drèents (Assen/Zuudwolde, 1991). Van zien haand verschenen wieder boeken aover de Drèentse geschiedenis en 't Drèentse volksleven, de Drèents- en Nederlaandstalige literaire bloemlezing Drente's erfgoed. Van Picardt tot Hidding (1978) en onderwiesmateriaol aover en veur de pervincie Drenthe.

Kuipers was etrouwd en had twee kiender. Van 1895 töt 2001 woonde e in Slien, daornao in Möppelt.

Onderscheidings[bewark | bronkode bewarken]

Veur zien inzet op cultureel gebied in Drenthe wördden Kuipers in 1967 benuumd töt ridder in de Örder van Oranje-Nassau. In 1978 kreeg e de Zulvern Anjer anelangd en in 1983 de Culturele pries van Drenthe. In 2008, op zien negentigste, gaven ze hum de Roel Reijntjes-pries veur zien inzet veur Oeze Volk en de Drèentse taal.

Wat uut zien wark[bewark | bronkode bewarken]

2
O heufd, zo hoog verheven,
o goddelijk gezicht,
waor 't mèensdom veur zal beven
in 't allerlest gericht,
Do, die's met locht umgeven
oes leven hes verneid,
wel hef Dij toch zo slagen,
belasterd en bespeid?

3
O Heer, dien smaod en wonden
en al dien pien en smart,
um mij is het, mien zunden,
mien kwaod en schuldig hart.
O God, ik gao verleuren
um wat ik heb misdaon,
as Do mij niet wils heuren.
Laot mij toch met Dij gaon.

Uut "Gezang 183: O heufd, vol bloed en schrammen", naor Paul Gerhardt (1607-1676)

Schrieverije[bewark | bronkode bewarken]

  • Belevenissen van Luuks Battelings volk en aner verhalen (1960; in 1984 herdrokt as Luuks Battelings volk en nog wat vertellings, Hummelen, Assen)
  • Hondsrug, heuvels en hunbedden, (Knoop en Niemeyer, Hoaren, 1970)
  • Drenthe, een verhaal apart (Ten Brink, Möppelt, tweede drok, rond 1974)
  • Volksleven in het oude Drente (Boekencentrum, 's-Gravenhage, 1976)
  • Drente's erfgoed (Pet, 't Ogevene, 1978)
  • Zuid-west Drenthe: land van beken, brinken en bossen (Boekencentrum, 's-Gravenhage, 1980)
  • Zo wordt't zegd en zo kunj't ok zeggen (Hummelen, Assen, 1982)
  • Drents spitsuur (verhalen en gedichten, Hummelen, Assen, 1982)
  • Langs kerkpaden door Drenthe (Boekencentrum, 's-Gravenhage, 1987)
  • Late blui (gedichten, Assen, 1988)
  • Van Goghs omzwervingen door Drenthe 1883 (Krips Repro, Möppelt, 1990)
  • Sleen in verleden en heden (gemiente Slien, 1992)
  • Vroeger volksleven in Drenthe (Het Drentse boek, Zuudwolde, 1999)

Bronnen[bewark | bronkode bewarken]

  • Rouke Broersma (red.) (2003), Scheupers van de taol: Bloemlezing van de Drèentse Schrieverij 1837-2003, Zuudwolde: Stichting Het Drentse Boek (blz. 92-93)
  • Huus van de Taol aover Gerrit Kuipers
Nuvola apps ksig.png Dit artikel is eschreven in 't Zuudwest-Drèents.