Gemiente (bestuur)

Een gemiente is een groep van woongebieden (dörpen, steden) mit et bi'jbeheurende gebied die tegere bestuurd wodden deur een poletiek apperaot. De gemiente is de onderste laoge uut et poletieke bestuursstruktuur, mit daorboven in Nederlaand respektievelik de perveensie en de rieksoverhied, en in België respektievelik et arrondissement, de perveensie, et gewest en de federaole staot. Pattie gemientes in Nederlaand kennen nog dielgemientes of stadsdielen, waorin de gemiente opdield is. Dit komt veur in Amsterdam en Rotterdam.

Algemien

Per 1 jannewaori 2024 bin d'r 342 gemientes in Nederlaand. In alle Nederlaanse gemientes wodden een antal laandelike riegels, op een zelde meniere toepast (bi'jgelieks wat uutkerings betreft), en de vorm van et paspoort moet d'r in alle gemientes etzelde uutzien. Toch bin d'r wel grote verschillen tussen de iene en de aandere gemiente. Een grote stad, waor veul meensken dichte op mekeer wonen, kent aandere perblemen en voert een aander beleid as een dunbevolkte plattelaansgemiente die uut een antal kleine plakken bestaot. Baentiesmannen, gemienteraodsleden, wethoolders en borgemeister bin d'r verantwoordelik veur dat de zaeken in de gemiente goed gaon.

Gemientelike staotestieken

Nederlaand

Grootste gemiente (kwa oppervlak): Zuudwest-Frieslaand
Grootste gemiente (kwa inwoners): Amsterdam
Kleinste gemiente (kwa oppervlak): Westervoort
Kleinste gemiente (kwa inwoners): Schiermonnikoog

Noordelikst legen gemiente: T Hoogelaand
Oostelikst legen gemiente: Oldambt
Zudelikst legen gemiente: Gulpen-Wittem
Westelikst legen gemiente: Sloes

Leegst legen gemeente: Zuudplas
Hoogst legen gemeente: Vaols

België

Grootste gemiente (kwa oppervlak): Doornik
Grootste gemiente (kwa inwoners): Antwarpen
Kleinste gemiente (kwa oppervlak): Sint-Joost-ten-Node
Kleinste gemiente (kwa inwoners): Herstappe

Noordelikst legen gemiente: Hoogstraten
Oostelikst legen gemiente: Büllingen
Zudelikst legen gemiente: Rouvroy
Westelikst legen gemiente: De Panne

Hoogst legen gemiente: Waimes

Nedersaksisch

Achterhooks: gemeente
Drèents: gemeeinte, gemeinte, gemiente
Grunnegs: gemainte
Sallaands: gemiente, gemeente
Stellingwarfs: gemiente
Tweants: gemeante, gemeente
Veluws: gemeente, gemiente