Gebruker:Grönneger 1/Schriefwedstried gos

Uut Wikipedia, de vrye encyklopedy


Van 15 dezìmber 2009 tot 1 meert 2010 tou wordt eerste Leegsaksische Wikipedie-Schriefwedstried holden.

Regels[bewark | bronkode bewarken]

  1. As joe mitdoun willen kinnen joe joezulf hierzoot ienschrieven. Zet der even bie welk nij artikel of joe schrieven willen of wat veur begunke of joe oetbraaiden willen, en natuurlies joen (gebroekers)noam.
  2. Joe mouten schrieven op zien Leegsaksisch: dus op zien Grönnegs, Drìnts, Stellenwaarfs, Örkers, Sallands, Twìnts, Achterhouks, Veluws of Liemers.
  3. Zolaank as wedstried lopt, krigt t deur joe kozen artikel n berichtje, woarmit aander bezuikers zain kinnen dat t veur joe reserveerd is en woarien man verzöcht wordt de ziede nait tou bewaarken. As de wedstried ôflopen is, is t artikel weer, liek as èlk artikel op Wikipedie, deur elkenain bewaarkboar op schriefwieze of ienhold. Dus joe stemmen der mit ien dat joe gain allìndrecht hebben op t artikel.

Woar of joe over schrieven kinnen[bewark | bronkode bewarken]

Joe kinnen t zo vrumd nait bedenken, zolaank as t môr ien n ènzyklopedie paast. Dus n stok over de kieften ien Drìnt, geschiednis van Achterhouk ien oorlog, klassieke muziek ien Grönnen, opkommen en deelgang van tekstielindustrie ien Twìnte, n loug op Veluwe, weerkunde, roemtevoart, t is apmoal goud, as t môr gain zulfbedochte verhoalen binnen. Mooiste zol wezen as joe wat bronhìnwiezens môken kinnen, zodat t artikel eventuweel op ienhold kontroleerd worden kin. Hier en Kategorie:Begin kinnen joe wat zoaken vinden dij nog oetbraaid worden kinnen, môr n nij onderwaarp is ook goud.

Woar t artikel aan voldoun mout[bewark | bronkode bewarken]

t Aler belaangriekste is dat joe zulf der plezaaier ien hebben om op zien Leegsaksisch tou schrieven. t Huift nait perfekt spèld tou wezen. Der binnen môr leutje luu dij dat n oplaaiden Leegsaksisch vôlgd hebben en schriefwieze kin achterôf aaltieds verbeterd worden as dat neudeg is. t Beste is wel om goud noa tou denken hou joe dingen spèllen willen. t Artikel huift ook nait ien hail ollerwets Leegsaksisch tou stoan, vol mit woorden dij gainaine meer kent. t Gaait der juust om dat blieken dut dat man goud schrieven kin op t noudoagse Leegsaksisch over ales en nogwat, môr wat typisch Leegsaksische aigensheden worden wel op pries stèld.

Wat joe der mit winnen kinnen[bewark | bronkode bewarken]

t Dunkt os as organizoatsie dat as joe de wedstried winnen, dat joe de kont nait meer keren kinnen, zunder haandtaikeningen oetdailen tou mouten en dat joe nog joarenlaank verzekerd binnen van bier veurgeefs ien kroug. Môr dat kinnen wie nait beloven. Wat meer tastboar:

n Poar kontakten mit aander streektoalorganizoatsies lopen nog, dus t kin wezen dat der nog meer priezen kommen zellen.

Beoordailen[bewark | bronkode bewarken]

De beoordailen gebeurt deur n aantel beheerders/ vaste bezuikers van dizze wiki.

Messchain nog aanvuld mit gast-beoordailders van de streektoalorganisoatsies.

Ienschrieven[bewark | bronkode bewarken]

Wat mout man doun om hom ien tou schrieven:

  • Joe mouten n gebroekersnoam hebben, wat joe hier doun kinnen, as joe dat nog nait doan hebben.
  • Hieronder joen gebroekersnoam zetten (vaaier kringelstreepkes wil ook (~, noast de 1)), en doarachter de titel van de ziede dij joe môken of oetbraaiden willen (op bewark' klikken hierboven, en den kinnen joe wat schrieven).
  • Zet der ook even bie woar of joe votkommen/welk dialekt joe proaten, zodat wie artikels goud beoordailen kinnen.

Nuig joe veuraal nait om vroagen tou stèllen ien t Proatkavvee of aan de beoordailders direkt! Doar stoanen wie open veur en wie willen joe geern hèlpen. Wie wìnsen joe veul sukses!