Fur

Uut Wikipedia, de vrye encyklopedy
Kliffen op Fur
De karke van Fur

Fur is n eilaand in de Limfjord in t noorden van t Deense Jutlaand, ten noorden van Salling. t Eilaand is mer 22 km² groot. Op 1 jannewaori 2013 woenden der op t eilaand um en bie de 826 meensen. Vanaof Oost-Salling, waor de Fursund mer 400 meter breed is, is t dree minuten vaoren mit de veerboot um op Fur te koemen. t Eilaand heurt bie de gemeente Skive.

Laandschap[bewark | bronkode bewarken]

Tot 1860 had Fur gien bossen, mer sinds die tied bin der meerdere bossen an-eleegd. t Zujen van t eilaand ligt leeg en is slim vruchtbaor. t Noorden hef heuvels mit heed, dunen en zaandsteen, dat gebruukt wörden veur t produseren van bouwstenen en kattebakkorrels. t Hoogste punt is Lille Jenshøj mit 76 meter boven zeenivo. De rest van t laandschap hef heuvels van n meter of tiene tot n meter of vuuftiene.

Bevolking[bewark | bronkode bewarken]

De bevolking leeft veural van de laandbouw, toerisme en de zaandsteenwinning. t Eilaand hef zo'n 450 zoemerhuusjes, n kämping, wat hotels en n paor museums. Zoemers bin der ongeveer duzend toeristen op t eilaand. Per jaor wörden t eilaand deur 100.000 toeristen bezöcht, veural deur dagtoeristen.

Darpskernen[bewark | bronkode bewarken]

Op Fur he'j de volgende darpen:

  • Stenøre
  • Nederby
  • Madsbad
  • Hvirp
  • Debel
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.