Emmerik

Uut Wikipedia, de vrye encyklopedy
Et woapen van Emmerik

Emmerik (Duuts: Emmerich am Rhein) is ne stad in den Duutsen deelstoat Noordrien-Westfaolen, elaegen an den rechteroover (den noordeleken) van den Rijn, rundumme 10 kilometer noordelek van Kleef en rundumme vief kilometer ten zuden van de Nederlandse grenze bi-j 's-Heerenbarg. De gemeente Emmerik hef ne oppervlakte van rundumme 80 km².

Geskiednis[bewark | bronkode bewarken]

In et joar 828 wödt Emmerik veur et eerst eneumd in n skrift. Emmerik ontstoand vermeudelek rundumme et joar 700. Tot et midden van de 13de eeuwe untwekkelden Emmerik zich tot ne handelsplaatse.

Emmerik hef tot 1402 tot et hartogdom Gelre beheurd. Doar bunt nog veurbeelden van den Old-Geldersen bouwstiel trög te vinden. Een veurbeeld hiervan is den zudeleken gaevel van de St. Martini Münsterkarke, dee in de eerste helfte van de 16de eeuwe wöd ebouwd.

Stadsdele en karkdarpen[bewark | bronkode bewarken]

Emmerik besteet uut de volgende stadsdele en karkdarpen:

Wieter bunt doar nog de buurtschoppen:

Geleuf[bewark | bronkode bewarken]

In Emmerik staot karken, waorunder twee in et centrum. Veurbeelden hiervan bunt de Aldegundiskarke, de St. Martinikarke, de Heiligen Geistkarke in de wiek Speulbarg en de Evangeliese Karke.

In de St. Martinikarke is nen 11den-eeuwsen crypte, n goties koorgesteulte en nen schatkamer. Et oldste deel van de karke hef nen Romaansen eursprong. Dit zol volgens de oaverlaevering de karke waen dee Willibrord stichtten. Den karktoorn is met et kruus derbi-j 69,5 meter hooge.

In de 15de-eeuwse St. Aldegondiskarke, dee in den letsten krieg zwoaren schaa lae, is n zeer groot concertcarillon. De toornspitse is noa den letsten krieg neet meer op den toorn trög ezet.

Bi-j Pauseleken Bulle Salutte Annimarum van 16 juli 1821 wöd Emmerik uut de Hollaandsen Zending enommen en in-evoogd in et Diocees Münster.

Bezeensweerdig[bewark | bronkode bewarken]

  • De brugge van de Rieksstroate oaver den Rijn bi-j Emmerik is met nen oaverspanning van 500 meter en ne totale lengte van 1.228 meter de langste hangbrugge van Duutslaand.
  • Bi-j et Rheinmuseum kuj skeepsmodellen en tentoonstellingen oaver den rijnvoart en de geskiednis van de stad Emmerik bekieken.
  • Rheinpromenade: in Emmerik waren in april 2007 festiviteiten ter gelaegenheid van de officiële oppening van den verni-jden Rijnboulevard. Den kadewal wodden verheugd en den boulevard woddenn mooi emaakt veur wandelaars.
  • In et park an et ende van de Rheinpromenade steet et Haus im Park. Dit is vanof 1968 et mooi elaegen underkommen van de Kunstveraeniging Emmerik. De schouwruumte is in et weekend te bekieken.

Trivia[bewark | bronkode bewarken]

  • Et heufdkantoor en de fabreek van de firma Katjes (maker van dropwoaren en snoop, in Nederlaand bekand as "Katja") stoat in Emmerik.
  • In Emmerik-Vrasselt bunt fabreeken veur Bouwkeramiek (veur gesmoord Vrasselts Blauw)

Literatuur[bewark | bronkode bewarken]

Galleri-je[bewark | bronkode bewarken]