Ellertsveld
't Ellertsveld is een netuurgebied bi'j 't dörp Schoonoord in de Drèentse gemiente Börger-Oring. In 't gebied lig 't hunebed de Papeloze kerk. Bi'j 't Ellertsveld lig 't openlochtmuseum Ellert en Brammert.
't Gebied is tègenswoordig nog aordig bebost, mar was in vleden eeuwen een uutestrekt heideveld.
Op 't Ellertsveld lig de bulte de Brammershoop. De plaatsen Ellertsveld en Brammershoop bint verbunden mit de bekende Drèentse sage van Ellert en Brammert, twei reuzen die op de heide weunden en veurbi'jgangers beroofden en zölfs vermoordden. De Encyclopedie Drenthe Online schrif det 't Ellertsveld en de Brammershoop vernuumd bint naor de rovers[1]; volgens de onderzuker van volksverhalen Ruben Koman bint de namen van de rovers waorschienlijk uuteprakkezeerd naor anleiding van de niet meer begrepen eerdriekskundige namen Ellertsveld en Brammershoop.[2]
Rifferenties
[bewark | bronkode bewarken]- ↑ Encyclopedie Drenthe Online: Brammershoop
- ↑ Ruben A. Koman (2008), Ellert en Brammert: een reuzenclaim van een 'Drents' roversverhaal, Beem: Profiel.
|
Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek. |