Brammershoop

Uut Wikipedie, de vrye encyklopedy
Naar navigatie springen Naar zoeken springen

De Brammershoop is een goeddiels of-egraven heugte op 't Ellertsveld bi'j 't Drèentse dörpien Eeserveen in de gemiente Börger-Oring. In 1900 lag de Brammershoop 20,4 meter boaven NAP, vandage 16,9 meter. Bi'j de bulte langes löp ok de Brammershoopstraote.[1]

De plaatsen Ellertsveld en Brammershoop bint verbunden mit de bekende Drèentse sage van Ellert en Brammert, twei reuzen die op de heide weunden en veurbi'jgangers beroofden en zölfs vermoordden. De Encyclopedie Drenthe Online schrif det 't Ellertsveld en de Brammershoop vernuumd bint naor de rovers[1]; volgens de onderzuker van volksverhalen Ruben Koman bint de namen van de rovers waorschienlijk uuteprakkezeerd naor anleiding van de niet meer begrepen eerdriekskundige namen Ellertsveld en Brammershoop.[2]

Rifferenties[bewark | bronkode bewarken]

  1. 1,0 1,1 Encyclopedie Drenthe Online: Brammershoop
  2. Ruben A. Koman (2008), Ellert en Brammert: een reuzenclaim van een 'Drents' roversverhaal, Beem: Profiel.
Nuvola apps ksig.png Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.