Ekspressionisme

Uut Wikipedia, de vrye encyklopedy

Et ekspressionisme (van latyn: expressio, et uutdrükken) was een ströyming in de künst. Den had syn höygtepunte rund 1905 töt 1940. In et ekspressionisme probeert de künstenaar syn gevölens uut te drükken med varve, musik of skryven. Sy gaven de echte wearld dan vake een heyl ander vöärkoamen.

Belangryk was dat wanneyr as de künstenaar når een bepåld underwarp of platyn kekt, dat hee dår wat by vöölt en dát dan ofbealden döäd. Vake probeerden sy vanuut et underbewüsten te warken, kyken wat et underbewüsten in hüm hevt. Dit idey kümt van de psycholoog Sigmund Freud, den sea dat y van et groutste deyl van uwen gedachtenisse geyn benül hebt. Dit kün y teagenoaver et impressionisme setten. Wårümme as et impressionisme jüüste når de wearld üm hüm hen kekt en dát ofbeald, so as ho et sünnelicht düt byvöärbeald. Ümdat ekspressionisten alleyne mar in ear koppen keaken, wördden de bealden dee as sy uut de 'echte' wearld skilderden, heyl anders is as de wearld wat y seen künnet. Landskappen kwamen der uut te seen as velle klöörvlekken nöäst mekare, mensken begünden te sweaven, en meyr van dee neet-echte dinge. Vanuut et ekspressionisme hevt dan later ouk et abstrakt skilderen ekoamen.

Achteruut ekeaken bint Vincent van Gogh en den noordsken skilder Edvard Munch de eyrste lüde dee as uut et gevööl skilderden.

Et ekspressionisme in Frankryk wördt vandage an den dag fauvisme enöömd. Wårvan eyne van de bekendsten Henri Matisse is. Ouk in Düütskland bint der twey gruppen ewesd dee belangryk waren vöär de strouming: Der Blaue Reiter en Die Brücke. Nådat de gröninger skilder Jan Wiegers in Düütskland skilderwark van Die Brücke eseen hadde, brachten hee disse skilderstyl med når syn net nye skildersgruup in Gröningen. So bint de upsetters van De Ploog ouk as ekspressionisten gån skilderen.

de oorlog is der et neo-ekspressionisme untståne. Wårümme as vöäle künstenaars in dee tyd når Amerika evlücht waren, en dår ear künstideyen mednöämen, is et dår döär amerikaanske künstenaars oaverenöämen. Jackson Pollock güngen hüm neet meyr gangs holden med bealden uut de echte wearld, mar güngen alleyne mar varve up et dook droppen låten. Et gevööl wördden so of-ebealded in förms dee neet in de warkelikheid te seen bint. Et neo-ekspressionisme is vake wat düüster en bynå altyd abstrakt. Up disse wyse sol et körter by et gevööl van de künstenaar weasen.

Dit artikel is eskreaven in et sallandsk.