Draw Something
Draw Something (Engels vuur: Teeknt Wat), is ne app vuur smartphones, maakt duur t bedrief Omgpop. t Is ne digitale versie van t spölleke Pictionary. t Is de bedoling de'j n woard kiezet en det dan probeert te teekn zodet n aander kan roadn wat t is. Dr is ne kostenloze versie, woerbie'j um elke buurt reklame in beeld kriegnt, en ne reklamevrieje versie, woer'j wat vuur betaaln mut.
Disse app wun de Flurry App Spotlight Awards in 2012.[1] Vieftig deage noa t oetgeewn was t programmaakn al vieftig miljoen keer binnhaald.[2] Meart 2012 wördn Draw Something en t bedriefke Omgpop oawerkocht duur spöllekesgigant Zynga vuur $180 miljoen dollar.[3]
Spölverloop
[bewark | bronkode bewarken]Twee spöllers teeknt um buurtn n plaatjen wat n aander mut roadn. Denne wat an de buurt is kiezet oet dree wöarde wat he wil teekn. Elken spöller kan een töt dree meuntjes verdeenn as t woard good eroadn wörd. A'j genog meuntjes verdeent kö'j meardere kluurnpakketn koopn, en bomn.
Noa at n spöller kloar is en op t [done]-knöpken hef drokt, krig denne wat röd ne rechtstreekse wiergave van t teeknproses te zeen, zoonder pauzes en vertroagings. Denne wat röd krig n antal löage väks en duur mekoar husselde letters um t te roadn woard dale te skriewn.
Bomn
[bewark | bronkode bewarken]Elken spöller krig n antal bomn. Denne wat röd kan dee bomn gebroekn um de letters dee't nit in t woard heurt "op te bloazn", zodet t roadn makkeliker wörd. Denne wat teeknt kan de bomn gebroekn um nen niejn set wöarde te kriegn um oet te kiezn, as he meant at he de kreegne wöarde nit good kan teekn.
Verwiezings
[bewark | bronkode bewarken]- ↑ Bradenton Herald. Red Stamp, Fooducate and Draw Something Win Flurry 2012 App Spotlight Awards. 14 March 2012
- ↑ BBC. Draw Something is 'fastest growing' mobile game. 5 April 2012. 7 april 2012
- ↑ New York Times. A Game Explodes and Changes Life Overnight at a Struggling Start-Up. 25 meart 2012