Doornestruke

De doornestruke (Ulex europaeus) is een giftige struke uut de vlinderbloemenfemilie (Fabaceae), 't is giftig deurdat 't cytisine bevat. De doornestruke steet op de Nederlaanse Rooie Lieste van plaanten as vrie zeldzaam en maotig of-eneumen. De struke hef (zoas de naam al angeef) doorns, 't is een greunblievende struke dee plaoselijk veurkump op zaandgrond, heed of in de dunen. In pertie gebieden bin ze iezelig zeldzaam. Biejen koemen vake of op de goudgele, geurende bloemen. Bie anraking schieten de bloemen stuufmeel of op de bezeukende insekken. Rechop greuiend kan de doornestruke een heugte bereiken van dreje meter, mar de struke blif op onbeschutten of begrezen plekken een stuk leger.

Blaojen

De blaojen bin ereduceerd tot greune, naoldvormige doorns van 1,5 tot 2,5 centimeter lange. Ze bin diep-egreuf en stief. Jonge blaojen bin dreetallig en in dat staodium nog zach en veur dieren eetbaor.

Bloemen

De vlindervormige bloemen bin goudgeel en hemmen een lengte van ongeveer 1,5 cm. Ze bin bevestig an korte, fluweelachtige stelen.

Vruchen

De doornestruke draag zwarte peulen dee ene tot tweje centimeter lange wonnen. Ze bin behaord. As ze riep bin bars de peule los zodat de zaojen vriekoemen. Disse zaojen bin giftig.