De Ovend

Uut Wikipedia, de vrye encyklopedy
Nå navigaty springen Nå söken springen

De Ovend is een twiemaondelijks tiedschrift veur schrieveri'je in et Stellingwarfs en over de Stellingwarven. Et eerste nommer verscheen in september 1972; in et begun was et een kwartaolblad. Et tiedschrift wodden opricht naor et veurbield van et Dreentse Oeze Volk en et Overiessels-Gelderse De Moespot.

De andachtsvelden van De Ovend bin schrieveri'je, tael- en volkskunde en geschiedenis. Et antal bi'jdraegers het deur de jaoren hen varieerd van zoe'n vuuftiene tot dartig. De Ovend beslat zoe'n 180 bladzieden per jaor.

In 1974 verschenen de eerste beschouwelijke teksten over schrieveri'je in De Ovend. Die waren niet mitiene slim kritisch, omdat et blad veural tot lezen en publiceren wol anzetten. Echte ofstaand tussen kriticus en schriever haj niet vaeke. Toch bin d'r ok wal besprekings publiceerd daorin literair of aanderszins kritisch wogen wodden. Mit de tied gebeurde dit vaeker.

De juryrapporten van de H.J. Bergveld-pries bin ok altied in De Ovend opneumen.

Bronnen[bewark | bronkode bewarken]

  • Henk Bloemhoff en Pieter Jonker (2008), Stellingwerver literatuur, in Henk Bloemhoff, Jurjen van der Kooi, Hermann Niebaum en Siemon Reker (red.), Handboek Nedersaksische Taal- en Letterkunde, Assen: Van Gorcum
  • Henk Bloemhoff (2002), Taal in stad en land. Stellingwerfs, Den Haag: Sdu Uitgevers, blz. 111
Nuvola apps ksig.png Dit stok is schreven in et Stellingwarfs.