De Hongerige Wolf

Uut Wikipedia, de vrye encyklopedy
Nå navigaty springen Nå söken springen
Nuvola apps ksig.png Dit artikel is eskreaven in et sallandsk.

De Hongerige Wolf was een harbarg en uutspanning in Stegeren bi'j Ommen.

Hongerige Wolf in 1921

Bedrief[bewark | bronkode bewarken]

De harbarg "De Hongerige Wolf" lag an de grote Hessenweg tussen Hannover en Zwolle. Indertied was der een groot handelsverkeer van Duutslaand noar t westen van Nederlaand. Vrachtkarren en postkoetsn reden doageliks over de brede Hessenwegen. Bi'j de Hongerige Wolf kun overnacht wörden en de peerden verzörgd en estald of ewisseld wörden.

Gevelsteen met Hessenwagen in Thomas à Kempisstraat Zwolle

Legende[bewark | bronkode bewarken]

t Verhaal wil dat in 1701 Jonkvrouwe Ida van kasteel Eerde mit heur page, beide op peerd, noar Coevern zol rieden um heur vriendinne Kunegonda te bezuken. In t bos bi'j Stegeren wörden ze overvallen deur een troep wolven. De jonkvrouw wörden van t peerd eslingerd tussen de bomen. De twee peerden en de page veulen ten prooi an de wolven. Toevallig kwam doar jonker Rudolf van Collendoorn an, die t lawaai heurde, de wolven versleug en jonkvrouw Ida redden. Ze bint mit mekare etrouwd. Vanof die tied heetten de plekke woar t gebeurden "De Hongerige Wolf". Later is op disse plekke de gelieknamige harbarg ebouwd.

Hoorngeschal[bewark | bronkode bewarken]

As der een postkoetse de harbarg noaderden, bleus de voerman op zien posthoorn um zo zien ankomst an te kondigen. De weerd wõs dan dat e kön begönnen mit de moaltied kloar te maken en t vat bier an te sloan.

Resterant[bewark | bronkode bewarken]

Joaren eleden (1976) is de olde harbarg ofebraand en later weer ni'j op ebouwd. t Is nou gien harbarg meer, maar n resterant en zalensentrum.