De Fofftig Penns

De fofftig Penns live in Hambörg, 2010

De Fofftig Penns (De Vieftig Pennings) was ne dreeköppige Platduutse muziekgroep. De dree jongs oet Bremen-Noord, Malte Battefeld (Riemelmeester Malde) oet Vegesack, Jakob Köhler (Kommodige Jaykopp) oet Grambke en Torben Otten (Plietsche Torbän) oet Aumond, zeent in 2003 bie mekoar ekömn um Hip-Hop- en Funk-leedkes met Platduutse tekste te maakn. Öarn naam keump van n Amerikaansen rapper 50 cent, umdet den zin nommer "P.I.M.P" vuurbeeld was vuur t eerste nommer van de Fofftig Penns.

December 2003 hebt ze öar eerste single "P.I.N.T" oet ebracht en meart 2004 öar tweede single "Jungkeerls (P.I.N.T.)". Vuur beaide nommers zeent ook videoklips op enömn. Noa vief moand skeaidn ze dr wier met oet.

Januari 2008 kömn ze wier bie mekoar um t eerste echte album op te nemn, den't in t zommer van det joar kloar was. t Eerste nommer was as single oetbracht wör was "Platt", wat duur verskeaidene DJs in NoordDuutslaand en Berlien regelmoatig edreeid wör. In öare 'pauze' zeent ze oawer skakeld noar ne stiel wat ze zelf elektro-hiphop neumt. De Fofftig Penns hebt ook n eegn Platenlabel: Kommodig Grambke.

"Dat gifft hüüttodaags so veel Rappers dee mer bloots över Geweld, Drugs un Vrouwlüüd snacken köönt. Wat dat ok anners geiht, dat wüllt wi de Lüüd, ok öllere Lüüd, wiesen." Vertelt Riemelmeester Malde de pärs. "Kommodig" in "Kommodig Grambke" is ne lange neuze noar t "Aggro" in "Aggro Berlin". Det is n platenlabel met rappers, dee gearne met geweld umme goat. "Al dee aggressie, det doot vie bespotn".

In 2018 skeiden ze der met oet.

Plaatnriege

• December 2003: P.I.N.T. (cd)
• Meart 2004: Jungkeerls (P.I.N.T.) (cd)
• April 2004: De fofftig Penns - THE BEST OF (dvd)
• Augustus 2004: Die Grambker Fimfestspiele (dvd) mit ünner annern De fofftig Penns
• Jannuwoari 2008: Platt (cd)
• 26. November 2010: Platt - Single (BoingBoingRecords)
• 9. November 2012: Löppt - Single (Random Mode Records)
• 27. September 2013: Dialektro - Album (Welcome Home Music)
• 12. December 2014: Een Vun De Fofftig Penns (Welcome Home Music)
• 4. December 2015: Dascha 'n Ding - Single (Welcome Home Music)
• 11. November 2016: An de Noordseeküste (mit Klaus und Klaus) - Single (Welcome Home Music)
• 24. November 2017: Duuster (mit Flo Mega) - Single (Welcome Home Music)
• 7. December 2018: Dat läppert sik – Dat Beste vun De fofftig Penns - Album (Welcome Home Music)

Oetgoande verbeendings

Commons: De Fofftig Penns - plaatjes, filmkes en/of gelüüdsbestanden.

• Webstea van de Groep (plat- en hoogduuts)
• De fofftig Penns op MySpace (mp3s binnhaaln)