Naar inhoud springen

De Düdesche Schlömer

Uut Wikipedia, de vrye encyklopedy

De Düdesche Schlömer ('De Duutse vlegel') is een Laatmiddelsaksisch tenielstok deur de Holstiense, in Lubeek dalestreken Lutherse domeneer en tenielschriever Johannes Stricker. 't Verscheen in Lubeek in 1587 van de drokkerije van Johan Balhorn. 't Stok, een originele bewarking van de Elckerlyc-materie, geldt as veuranstaond wark in de Saksische schrieverije.

Inhold[bewark | bronkode bewarken]

't Stok brengt de riffermatorische, in 't bezunder melanchtonische, rechtveerdigingslere in tenielvörm. De Schlömer is een zoeperd en een flierefluiter, een uutzoeger die hum toeëigend hef wat de karke toekump. As zien leste ure slag, wördt hum zien zunden veureholden. 't Ieuwige hellevuur drig. De vraoge is as God hum nog kan vergeven.

De volledige tekst op 't titelblad löd: "De Düdesche Schlömer: Dat ys Ein Geistlick Spil darinne affgemalet, gewarnet vnd tho warer Bothe vormanet werden alle Gades vorgetene, wilde, rökelose vnd sekere Minschen, vp dat se mit dissem Schlömer bekeret vnd salich werden möchten. Allen Vunbothferdigen tho trüwer vorwarninge vnd warschuwinge, Ock allen Angefochtenen, sundeslick in Dodes nöden tho troste gestellet".

Latere speuren[bewark | bronkode bewarken]

In 't dörpien Cismar in Sleeswiek-Holstien stiet een staandbield mit drei bronzen feguren uut Stricker zien stok: de Schlömer, de domeneer en een vrouwe.

In 1984 verscheen in Chöttingen een aoverzetting van 't stok in medern Platduuts deur Heinrich Schmidt-Barrien, De dütsche Slömer : neuniederdeutsche Fassung des Dramas von Johannes Stricker, dem Original De Düdesche Schlömer gegenübergestellt.

In 2007 wördden in de Lubeekse Sunte-Katharinakarke een mederne Platduutse bewarking van 't stok opevoerd deur de Niederdeutsche Bühne zu Lübeck.

Een körte Grunninger bewarking, De Duutse Slamper, verscheen in Grunningstalig online-tiedschrift Krieze nummer 58, jannewari 2016.

Uutgaonde verwiezings[bewark | bronkode bewarken]

Dit artikel is eschreven in 't Zuudwest-Drèents.