Cycloon van 1 juni 1927

Uut Wikipedia, de vrye encyklopedy
Naar navigatie springen Naar zoeken springen

In 1927 was der in den Achterhook nen zwoaren cycloon. Dizzen cycloon was zwoar, moar had ne smallere bane as den van 10 augustus 1925, den Borklo etroffen hef. Den cycloon begon as nen gewonen storm, moar richen toen al völle schaa an.

Naamgaeving[bewark | bronkode bewarken]

Den name cycloon klopt eigenlek van gin kante. Et verschiensel zol aelek windhoos, wervelwind of wervelstorm of tornado motten heten. Dit umdat nen cycloon een ander woord is veur orkaan, windkracht 12 en hoger dus, wat aelek allene moar veurkump in de tropen.

Ook wöd der vake esprokken over "den cycloon van Neede". Dat is ok onzin, want et geweld is al achter Lechtenvoorde begonnen en ging deur tot an de Noordzee in Duutsland, anderzieds hef zienen veurganger in 25 ok nen verkeerden naam, den begon al onder Nijmegen, en kwam ok an et ende boavenin Duutsland.