Catharina Elderink

Uut Wikipedie, de vrye encyklopedy
Naar navigatie springen Jump to search
t Graf van Cato Elderink op de Oosterbegroafplaatse

Catharina 'Cato' Elderink (Eanske, 28 februari 1871 - Eanske, 14 juni 1941) was ne skriefster en dichtster in t Tweants.

Leawen en reden töt skriewen[bewark | bronkode bewarken]

Catharina har enen breur en dree zusters (dee't allemoal, net as umzelf, nooit trouwden). Ze harren t good, want ze warren noakommelings van de vuurnoame femilies Elderink en Blijdenstein. In zinne jeugend har Catharina völle bewoondering vuur skriewer Fritz Reuter, den in n an t Tweants verwaant dialekt skreef. Doarnöast har he der wille an um met leaftiedsgenoten oawer t leawen van t Tweantse volk van vroger te kuieren. Zinne femilie har t oolde boerenoarf Niejenhoes in Buurse, woer't he vake hen gung. Doarnöast was he diplomeerd verpleegster en köm vake bie de boeren in t hoes. Heezelf spreuk t Eanskese stadsplat, mear dus nit t Buurser plat, mear det maken niks oet. Det he in t Tweants spreuk, gavven n vertrouwd geveul, en zo kömmen dus de verhalen op tafel. In latere skriefsels verontskeuldigen he zik vake vuur zin sproakengebroek.

In 1920 gung he aal mear skriewen. Zin eerste gedicht köm oet in 1914, in t toewmoalige Twentsch Dagblad Tubantia.

Cato Elderink is n lesten oadem oet egoan in t zekenhoes Ziekenzorg, wat non oonderdeel is van t Medisch Spectrum Twente. Doarnoa is he begreawen op de Algemene Oosterbegraafplaatse in Eanske.

Woark[bewark | bronkode bewarken]

Oaver Tweante[bewark | bronkode bewarken]

  • Oet et laand van aleer: Twenther vertelsels (1921, herdruk in 1925, 1955 en 1983)
  • Twenther leu en laand en lèven (1937), dree delen:
    • In de veldgroond
    • Op ’n esch
    • Et stadslèven
  • Over één worden en één blyven (artikel; 1940)

Familiegeschiedenis Blijdenstein[bewark | bronkode bewarken]

  • Een Twentsch fabriqueur van de achttiende eeuw (1923, heroetgawe 1976)
  • Het geslacht Blijdenstein (1926, heroetgawe 2003)
  • ..

Elderink dee ook met an Noaberschopp, t blad van de Duitsch-Nederlandsche Vereeniging.

Herdeanking[bewark | bronkode bewarken]

An de Marktstroate, tusken de Walstroate en de Oolde Moarkt in Eanske, steet nen gedeanksteen vúúr Cato's ooldershoes. Der is in egraveerd:

"Hier aan de Marktstraat 7 woonde en werkte de Enschedese schrijfster en dichteres in de streektaal Cato Elderink (1871-1941)"

In 1983 sleug de Keuninklike Begear 12.500 Tweantse Daalders. Op de vuurkaante steund t Tweantse ros en op de achterkaante steund um nen kraans van ekenbladen ne sprökke van Cato Elderink: "Wat good is wast langzam (sic) as ekenbeume"

Oetgoande verbeendige[bewark | bronkode bewarken]