Bussloo (plaatse)

Uut Wikipedia, de vrye encyklopedy

Bussloo is n darp in de gemeente Voorst in de Nederlandse provinsie Gelderland. t Hef ongeveer 170 inwoners. t Darp is veural bekend van de rekreasieplasse Bussloo.

De buurtschap wörd in 1794 vermeld as Boslo en in 1808 as Bussloo zo as t noe eschreven wörd. t Was ok de name van n adellik huus (havezate) en biebeheurend landgoed dat deur huwelik in 1775 van Th. O. van Dorth tot Medler, vrouwe van Bussloo (1757-1795) in de familie Van Wijnbergen kwam en töt 1994 in die familie ebleven is.

t Weer n darp toe J.W.A. baron van Wijnbergen, heer van Bussloo (1779-1849) der in 1818 n katholieke karke mit pastorieje liet bouwen. Bussloo is umringd deur staotige bomelaonen, bossen, velden en historiese boerderiejen van onder meer t landgoed De Poll. Verder is der n volkssterrenwacht en n veurmaolig mobilisasiekomplex.

In t rekreasiegebied Bussloo vi'j ok saunakomplex Thermen Bussloo.


Dit artikel is eskreaven in et oustveluwske dialekt van Voorst, in de Algemene Nedersaksiese Schriefwieze.