Brexit

Oet Wikipedie, de vraaie enzyklopedie
Gao naor: navigasie, zeuk
Ligging van t Verienigd Keuninkriek binnen de Europese Unie

Brexit is n saemenstelling tussen 'Britain' en 'exit' (letterlik: Britse uuttreding). De term het betrekking op t uuttreden van t Verienigd Keuninkriek uut de Europese Unie (EU) in 2016. Op de zelde maniere ontston t woord 'grexit', dat betrekking het op t (uutbleven) uuttreden van Griekenlaand uut de eurozaone.

Op 23 juni 2016 wordde der n volksraodpleging organiseerd deur de Britse regering over t wel of niet uut de EU treden van t Verienigd Keuninkriek. t Brexit-kamp wun.

Aachtergrond[bewark | bronkode bewarken]

t Britse EU-lidmaotskop het lange tied n kontroversieel onderwarp west in t Verienigd Keuninkriek. Euroskeptisi die van mening weren dat t Verienigd Keuninkriek beter of zol wezen buten de EU, wollen dat t laand uuttrad.

n Eerdere volksraodpleging over t Britse lidmaotskop van n verienigd Europa vun plaetse in 1975. n Meerderhied van t Britse volk steunde de vortzetting van t lidmaotskop van t Verienigd Keuninkriek van de Europese Ekonomiese Gemienskop (EEG), n veurganger van de EU.[1]

Uutslag van de volksraodpleging[bewark | bronkode bewarken]

In de ochtend nao de volksraodpleging bleek t brexit-kamp wunnen te hebben mit n meerderhied van 51,9 %.[2] Opvalend bi'j disse uutslag is t verskil tussen Engelaand en Kumrië, waor telkens n meerderhied van ongeveer 53% veur de Brexit keus en Skotlaand en Noord-Ierlaand waor t "remain"-kamp n dudelike meerderhied behaelde (in Skotlaand zels in alle kiesdistrikten). De opkomst was 72,2%.

Deurdat de premier David Cameron veur de ''remain''-groep kampanje voerd het is zien posisie wankel worden en het hi'j de ochtend naodat de uutslag definitief bekend maekt was, zegd dat hi'j zal oftreden omdat hi'j himzels niet meer in staot vient om t laand nog te leiden.[3]

Skotlaand[bewark | bronkode bewarken]

Now t Verienigd Keuninkriek de EU liekt te gaon verlaoten, wil Skotlaand n volksraodpleging hoolden om onofhaankelik te worden van t Verienigd Keuninkriek. In Skotlaand het 62% stemd om in de EU te blieven. Disse uutslag zol t neffens de Skotse regering rechtveerdigen om weer n onofhaankelikhiedsrifferendum te hoolden. In 2014 het Skotlaand al n onofhaankelikhiedsrifferendum hoolden mit as uutslag 55% tegen uuttreding uut t Verienigd Keuninkriek.[4]

Meugelik twiede volksraodpleging[bewark | bronkode bewarken]

Vortdrekt nao de uutslag van de volksraodpleging is der n petisie op internet zet over n twiede volksraodpleging. Twie daegen naodat de petisie op internet zet was, weren der al meer as aanderhalf miljoen haandtekenings verzaemeld, roem zat om de petisie deur te laoten gaon. De organisatoren van de volksraodpleging vienen dat de uutslag van de twiede volksraodpleging pas mitteld worden mag as n meerderhied van temeensen 60% veurstaander van vertrek is en mit n opkomstpersentazie van temeensen 75%.[5]

Rifferensies[bewark | bronkode bewarken]

  1. The case for Brexit: lessons from the 1960s and 1970s, Adrian Williamson, History and Policy, 2015
  2. Alle stemmen bin teld: 52 persent stemt veur brexit
  3. Premier Cameron kondigt oftreden an nao uutslag EU-volksraodpleging, nu.nl 2016-06-25
  4. Skotlaand bereidt wetgeving veur twiede onofhaankelikhiedsrifferendum veur , nu.nl 2016-06-25
  5. Twie miljoen Britten tekenen petisie veur twiede volksraodpleging, nu.nl 2016-06-25
Nuvola apps ksig.png Dit artikel is skreven in t Stellingwarver dialekt van Algemiene Nedersaksiese Skriefwieze.