Bosklopper Gala

Uut Wikipedia, de vrye encyklopedy
Nå navigaty springen Nå söken springen

t Gradus J. Bosklopper Gala was n joarliekse feestoavend rond de verkaizen van t schierste Grunnegstoalege laid van t òflopen joar. t Gala is in t leven roupen deur zanger Bert Hadders en Theater vanBeresteyn in Veendam. t Gala von elk joar in de feberwoariemoand ploats in dit theoater. Noa drij edities wer t gala nait meer holden wegens tegenvalende peblieke belangstèllen.

Bie t gala werren de Bosklopper Bokoal (jurypries) en de Bé Wever' Beker (pebliekspries) oetlangd. Tien nije nummers oet t veurgoande joar werren veur de priezen nomineerd. Dizze nummers mozzen as single verschenen en origineel aigen waark (gain covers) wezen.

t Gala en de jurypries wazzen vernuimd noar de fiktieve persoon Gradus J. Bosklopper. Volgens t verhoal het dizze antropoloog in de joaren 1950 en 1960 mit n bandrecorder opnoames moakt van Grunneger laidjes. Bert Hadders haar Bosklopper zien geluudsbanden opdoan op n rommelmaart. Veur Hadders binnen d'opnoames t bewies dat de boakermat van de Grunneger meziek in de veenkelonies ligt. t Gala en de pries binnen n eerbetoon aan Bosklopper.

Bosklopper Bokoal[bewark | bronkode bewarken]

De Bosklopper Bokoal was de pries dij deur de vakjury toukend wordt. Aan de bokoal was n geldpries van € 1000,- verbonden.

Winnende nummers[bewark | bronkode bewarken]

Bé Wever Beker[bewark | bronkode bewarken]

De Bé Wever Beker was de pebliekspries, woarveur stemd worden kon via de webstee van RTV Noord. De pries was vernuimd noar de in 2017 oet tied kommen festivalorganizoator Bé Wever oet Veendam, dij belangriek was veur de live-meziek in Veendam en omstreken. Aan de beker was n geldpries van € 250,- verbonden.

Winnende nummers[bewark | bronkode bewarken]