Book van Mormon

t Book van Mormon in t Engels

Et Book van Mormon is een van de healige geschriften van de mormonen. Et book wördt zeen as goddelik duur de Kearke van Jezus Christus van de Healigen der Leste Dagen (ofkort de Mormoonse Kearke) en is verneumd noar de profeet-historikus Mormon dee, volgens et book zölf, et greutste part samensteld hef. Et is oetgevven duur de stichter van de mormoonse beweaging, Joseph Smith, in meert 1830 en drukt duur Egbert Bratt Grandin in Palmyra in de Verenigde Stoaten.

Et Book van Mormon maakt, tehoop met 'n Biebel, deel oet van de kanon van healige geschriften van de Mormoonse Kearke, de Gemeenschop van Christus, en aandere kearken dee doarvan ofstamt. Et har as oorsproonkelike titel Et Book van Mormon: n duur Mormon op plaatn schreavn verslag, oavernömmen van de plaatn van Nephi duur Joseph Smith Junior, auteur en holder. De Mormoons Kearke veraanderden in 1982 den titel noar Et Book van Mormon: Een Testament van Jezus Christus, um et doel te verdudeliken en te benoadrukken.

'n Stichter van de Mormoonse Kearke, Joseph Smith, zea, hee har in 1827 de golden platen van 'n engel Moroni kreggen. Den har em ok zegd, hee zol de teksten wat doarop stunnen, umzetten.

Boeten de sektarische mormoonse beweaging zölf nemp nich een Christelike streuming et historisch-theologische wark an as woar.