Book van Mormon
t Book van Mormon is een van de healigen geschriften van de mormoonn. t Book wördt zeen as goddelik duur de Kearke van Jezus Christus van de Healigen der Leste Daagn (ofkort de Mormoonse Kearke) en is verneumd noar de profeet-historikus Mormon dee, volgns t book zölf, t greutste part saamnsteld har. t Is oetgeavn duur de stichter van de mormoonse beweging, Joseph Smith, in meert 1830 en drukt duur Egbert Bratt Grandin in Palmyra in de Verenigde Stoatn.
t Book van Mormon maakt, saamn met de Biebel, deel oet van t kanon van healigen geschriften van de Mormoonse Kearke, de Gemeenschop van Christus, en aandere kearkn dee doarvan ofstamn. t Har as oorsproonkelike titel t Book van Mormon: n duur Mormon op plaatn schreavn verslag, oaverneumn van de plaatn van Nephi duur Joseph Smith Junior, auteur en holder. De Mormoons Kearke veraanderde in 1982 de titel noar t Book van Mormon: n Testament van Jezus Christus, um t doel te verdudelikn en te benoadrukn.
De stichter van de Mormoonse Kearke, Joseph Smith, beweerde dat e in 1827 de golde plaatn oet de haand van n engel met de naam Moroni ontvangen zol hebn. Hee har de opdracht kreagn um de tekstn dee doarop stönn te vertaaln.
Boetn de sektariese mormoonse beweging erkent nich een christelike kearke of vereaniging de histories-theologiese autentisiteit van t dokument.