Bi'j de grote watertoren
Bi'j de grote watertoren is 't volkslied van 't Oaveriesselse dörp Roevène in de gemiente Stappest. Jan Kruidhof, doendertied theologie-student en later domeneer, hef 't in 1972 eskreven. Kruidhof skreef 't lied veur de brulfte van zien zus, die as trouwden mit iene van 't Klooster in 't Land Venó, in de Kop van Oaveriessel. De breugeman zien femilie naamp 't volkslied van 't Land Venó mit, en Kruidhof vund det Roevène daor niet bi'j achter kun blieven.
In de loop der jaoren hebt ze 't lied töt volkslied verheven. 't Wördt vake zungen op brulften en dörpsfeesten.
D'r bestiet ok een an-epaste versie van 't lied, 't Stappester volkslied (kiekt hieronder).
De tekst
[bewark | bronkode bewarken]'t Nedersaksische dialect van Roevène heurt in taalkundig opzicht bi'j 't Zuudwest-Zuud-Drèents. De schriefwieze is an-epast an de West-Overiesselse spelling en de Drèentse spelling.
Bi'j de grote watertoren
of vanof de Mepp'lerweg,
koom ie in oons mooi Rovene,
en wi'j kent daor heg en steg.
Vrogger was 't hier rouwe vene,
en moerassen wied in 't rond,
mar no boerukt wi'j tevrene,
op Roveense goeie grond.
In de grote boerenhuzen,
doere wi'j oos daaglijks wark,
en as 't drok is helpt de buren:
zo binne wi'j dan samen stark.
Oostert, Westert, Baoven en Buten,
't heurt er allemaole bi'j,
bi'j 't land van 't old Rovene:
daor allent veule wi'j oos vri'j.
Refrein:
Van Dekkersland tut an de Lichtmis,
vanof 't Spoor tut an Zwartsluus,
lig daor 't laand van 't old Rovene,
en daor veule wi'j oos thuus.
Stappester volkslied
[bewark | bronkode bewarken]Vanof de grote watertoren
En tut an de 'Eerenweg
Bi-j op Stappest en Roevène
En wi'j kent daor goed de weg.
Oostert, westert, baoven of buten
't Heurt d'r allemaole bi'j
Det is 't laand van mooi Roevène
En daor leve wi'j tevree.
In die olde boerenhuzen
Doere wi'j oens daaglijks waark
En as 't drok is 'elpt de buren
Zo bin wi'j dan samen stark.
Refrein:
Van De Wiek tut an Ni'jlusen
Of van Möppelt tut De Sluus
Loopt ze nog in dizze kleren
En daor vule wi'j oens thuus.
|
Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek. |