Bernard Canter

Uut Wikipedia, de vrye encyklopedy
Nå navigaty springen Nå söken springen

Barend Alexander (Bernard) Canter (Utrecht, 8 december 1870 - Scheveningen, 25 meie 1956) was een Nederlaandse schriever, journalist, schilder, ontwarper en keunstcriticus.

Canter was van Jeudse komof; zien volk waren Abraham Barend Canter, eigenaar van een kledingzake, en Johanna Reens. Al op zeuventienjaorige leedtied had Canter literaire kritieken in De Amsterdammer staon. Veur De Telegraaf was e verslaggever in Paries en Berlien, redacteur butenlaand en tonielbespreker. In Berlien hef e een steugien mit de schriever Herman Heijermans ewoond. Later was e redacteur van weekblad Holland Express en de Haagsche Post.

Canter kwaamp in contact mit de Tachtigers; zien eerste epubliceerde gedichten stunden in 1891 in De Nieuwe Gids onder de schrieversname G.K. van den Bosch. Hij was een pionier in 't genre van de sociale reportage. Misstaanden bij de herinkvloot hef e beschreven in Een droomer ter haringvangst. Mit zien kammeraod Heijermans brak e toen hij der die van beschuldigde stokken uut dit wark aovereneumen te hebben in Op hoop van zegen. Veur een reportage aover bedelaars die as fulleton in De Telegraaf stund, Twee weken bedelaar, zat Canter twee week in een bedelaarsgemienschop.

In 1915 wördden Canter töt een gevangenisstraf veroordield umdet e een bevrund staotsheufd, Wilhelm II, veraffronteerd zol hebben. Aover de toestaanden die as e in de gevangenis tröf, schreef e de roman Op water en brood. De roman Kalverstraat beschrif 't Jeudse leven in Amsterdam en de meedogenloze opkomst van 't grootwinkelbedrief. Binnen de Bond van Nederlandse Toneelschrijvers zette Canter hum in veur de opvoering van stokken van nijmoedse Nederlaandse schrievers.

Canter schilderde in een stiel die as e ritmisch pointillisme nuumde. Hij was anvaankelk etrouwd mit Albertine Kaminsky; zien tweede vrouwe was Nelly van der Laan.

Warken (keuze)[bewark | bronkode bewarken]

  • Een droomer ter haringvangst (1894)
  • Mombakkes de groote Comediant (1894)
  • Twee weken bedelaar (1900)
  • Germania (1905)
  • Kalverstraat (1904)
  • Dramatische werken: Medea, De bron der jeugd, De gijzelaars (1914)
  • Poppenkast, een vroolijk spel vol ernst (1914)
  • De Geraffineerde (1915)
  • De Schrik van Mengelberg (1915)
  • Gij zult niet dooden! (1915)
  • Billie Ritchie's Raad (1916)
  • De Lafaard (1916)
  • Op water en brood (1916)
  • Het geheim van Polichinelle (1917)
  • Nieuw Utopia (1922)

Bronnen[bewark | bronkode bewarken]

Nuvola apps ksig.png Dit artikel is eschreven in 't Zuudwest-Drèents.