Bellebloem
De bellebloem (Fuchsia en Nederlans: fuchsia of bellenplant) is een geslacht van 100 tot 110 soorten bleuiende planten, waorvan de meeste struken, die an 't eind van de 17e eeuw eïdentificeerd worde deur de Duutse botanicus Leonhart Fuchs (1501-1566).
Naamgeving
[bewark | bronkode bewarken]De Nederlanse naam fuchsia is geliek an de botanische of Latiense naam. In de meeste West-Veluwse dialecten wort de plant bellebloem of bel eneumd, dit is vanwegen de mooie decoratieve klokvorm van de bloem.
Verspreiding
[bewark | bronkode bewarken]De meeste soorten bin inheems in Zuud-Amerika, mar enkele soorten kommen noordelijker veur in Midden-Amerika tot Mexico. Oek in Niej-Zeeland en op Tahiti bin enkele soorten inheems.
De soort Fuchsia magellanica komt zuudweerts in 't emaotigde klimaot tot de punt Tierra del Fuego veur, mar de meeste soorten bin tropisch of subtropisch.
Kenmaarken
[bewark | bronkode bewarken]De meeste soorten bin zo'n 20 tot 40 cm groot, mar de Niej-Zeelanse soort Kotukutuku (Fuchsia excorticata), is een butenbeentjen in dit geslacht, disse bellebloem is een boom in plaots van een struuk en kan zo'n 12 tot 15 meter hoog worren.
De 1 tot 25 cm lange blaojen van de Fuchsia bin tegenoverstaond of in kransen van 3 tot 5 blaojen. De langwaarpige blaojen bin meestentieds etand, hoewel bie enkele soorten de blaojen wel glad bin. Partie soorten bin bladverliezend, aren bin greunblievend.
Veul soorten bleuien langdurig in de zoemer en 's harests. Tropische soorten bleuien 't hele jaor deur. Ze hen vier lange, slanke kroonblaojen en vier kortere en brejere kelkblaojen. Bie veul soorten bin de kroonblaojen helderrood en de kelkblaojen paors (kleuren die de kolibri's antrekken die de bestuving verzurgen). Mar de kleuren verschillen over een breed spectrum van wit tot donkerrood, paors-blauw, geel en oranje. De vrucht is een 5 tot 25 mm grote donkerrooie eetbaore bees die veul kleine zaojen bevat.
Soorten
[bewark | bronkode bewarken]- Fuchsia alpestris
- Fuchsia ampliata
- Fuchsia arborescens
- Fuchsia boliviana
- Fuchsia coccinea
- Fuchsia corymbiflora
- Fuchsia denticulata
- Fuchsia excorticata (Kotukutuku)
- Fuchsia fulgens
- Fuchsia hidalgensis
- Fuchsia lycioides
- Fuchsia macrostigma
- Fuchsia magdalenae
- Fuchsia magellanica
- Fuchsia microphylla
- Fuchsia paniculata
- Fuchsia procumbens
- Fuchsia regia
- Fuchsia simplicicaulis
- Fuchsia splendens
- Fuchsia thymifolia
- Fuchsia tillettiana
- Fuchsia triphylla
- Fuchsia venusta
Nedersaksisch
[bewark | bronkode bewarken]- Drèents:
- bellegiesbloeme (Ni'jlusen)
- Tweants: bellekesbloom, bellekespol
- Veluws:
- belle(n)bloem(e)
- bel of belle
- belle(n)plant of belle(n)plaante
- belletjes (Niekark)
- belfoks of bellefoks (Voorthuzen, Niekark)
- belletjesbloem(e) (Vaossen, Barreveld)
- fuksia of foksia
- waoterfoks
Uutgaonde verwiezingen
[bewark | bronkode bewarken]Referenties
[bewark | bronkode bewarken]- ↑ Um een plantenaam op te zeuken veur een bepaolde plek, zeuk de kloekecode mit Google, tik bieveurbeeld 'kloekecode Veendam', vervolgens krie-j een code hiermee zeuk je op de desbetreffende pagina.
Foto-uutstalling
[bewark | bronkode bewarken]
|
Commons: Bellebloem - plaatjes, filmkes en/of gelüüdsbestanden. |