Belcampo

Uut Wikipedia, de vrye encyklopedy
Nå navigaty springen Nå söken springen
Belcampo (welle: ANP Historisch Fotoarchief)

Belcampo (Naarden, 21 juli 1902Grönning, 2 januari 1990) was den skuulnaam van den Hollaandsen skriewer en dokter Herman Pieter Schönfeld Wichers. "Belcampo" is den Italiaansn vörm van zinnen achternaam.

Hee gröaiden op in Riessen, studeerden notoarieel recht in Leaiden en Amsterdam, en woarketen een zetjen op een advokoatenkantoor.

In de joarn '30 treuk he duur Europa en gavven doaroawer in 1938 ne verhalenbeundel De Zwerftocht van Belcampo oet in egen beheer, net as zinnen verhalenbeundel De Verhalen van Belcampo. In 1937 gung he medisienen studeren. Op 13 april 1949 deed he dokterseksamen. Van 1953 tot 1963 was he studeantendokter in Grönningen. In 1946 skreef he Het Grote Gebeuren. Det is ne novelle wat zik ofspölt in Riessen. Een betjen lacherig beskrif he et Leste Oordeel, zo as det der volgens um oet zal zeen. Hierin zeet de Riessenders öare grötste skrik oetkommen, in leagers van duwels en engelen dee at op den Oordeelsdag rekkenskop komt halen. Doar warren ze in et slim kristelike Riessen neet wies met. Jaap Drupsteen bewoarkten et verhaal vuur tellevisie. De oetzeandige wör good bekekken op Ooldjoarsoawend 1975.

Op den 2en januwoari van 1990 köm Schönfeld Wichers oet de tied. Zin lief wör op ne platte wage noar et oolde algemeane koarkhof (t Leantfert) ejag, en doar wör he nöast zin vaa begreawen.

Earbetoon[bewark | bronkode bewarken]

Wat leu wollen um earn met een standbeeld of nen stroatnaam, mear de gemeenteroad heul det tegen. In de kraante Tubantia leut wethoolder W. Markvoort weten: "Schönfeld Wichers hef hier gedoerende zinne jeugnd wal ewoond en zin verhaal Het Grote Gebeuren spölt ook wal in Riessen, mear wieter hef he as skriewer toch neet völle met Riessen as gemeente te maken". As stil protest besteet der in Riessen et Belcampopad. Dit is een onoffisjeel steegken tusken twee huuze an de Skoolstroate duur. Et stroatbröd steet bie leu in den hof, en is nooit vort ehaald, umdet de nieje bewonners meanden at t wal offisjeel was. Toew at et bekeand wör hebt de bewonners et brödken loaten stoan, umdet ze et ne gode aksie veunden en et öar neet in de weg steund.

Perseunlik[bewark | bronkode bewarken]

Zien breur was Karel Dietrich Schönfeld Wichers, in Riessen better bekeand as Koarel van n Notoaris.

Priezn[bewark | bronkode bewarken]

Woark[bewark | bronkode bewarken]

  • 1934 - De verhalen van Belcampo
  • 1938 - De zwerftocht van Belcampo
  • 1946 - Nieuwe verhalen van Belcampo
  • 1950 - Sprongen in de branding
  • 1953 - Liefdes verbijstering
  • 1958 - Groningen
  • 1958 - De fantasieën van Belcampo
  • 1958 - Het grote gebeuren, met zeven houtsneden van Hans Peter Doebele
  • 1959 - Het grote gebeuren. Een verhaal, met illustraties van E. Puettmann
  • 1959 - Tussen hemel en afgrond
  • 1962 - Bevroren vuurwerk. Een keuze uit de verhalen van Belcampo
  • 1963 - Luchtspiegelingen, bundel van De verhalen, Nieuwe Verhalen, Sprongen in de branding,Liefdes verbijstering, Tussen hemel en afgrond
  • 1964 - Verborgenheden
  • 1966 - Rijswijk in zijn historie bezien
  • 1968 - De ideale dahlia, verhalen
  • 1972 - De filosofie van het belcampisme
  • 1975 - De toverlantaarn van het christendom
  • 1975 - Kruis of munt. De wijsgerige verhalen
  • 1975 - Het grote gebeuren. De verhalen van Rijssen en Amsterdam
  • 1975 - Het woeste paard. De bizarre verhalen
  • 1976 - De dingen de baas, verhalen
  • 1979 - Rozen op de rails
  • 1979 - Al zijn fantasieën, waarin opgenomen: Luchtspiegelingen, Verborgenheden, De ideale dahlia
  • 1982 - De drie liefdes van tante Bertha
  • 1989 - Pandora's album
  • 1996 - De wondere wereld van Belcampo

Externe link[bewark | bronkode bewarken]