Battem

Battem (Nederlaands: Bathmen) is n döarpken in de gemeente Deawnter, in Sallaand. In 2004 har t 5328 inwonners.

Bie de vrogere zelfstaandige gemeente Battem heurdn ook de döarpe en noaberskopn Aapnhuuzn, Dorterhook, Loo, Pieriksmars en Zuudloo.

Geskiedenisse

Töt an de gemeentelike herverdelige van 2004 steund Battem op zikzelf, woernoa t bie Deawnter bie an köm. Hier wör fleenk teegn protesteerd, umdet Battem n boernspul is en Deawnter stads. Ze woln op zikzelf bliewn, of aanders saamngoan met de Geelderse gemeente Lochem. Hierduur zol de proveensiegreanze veraandern. Ondaanks alle protestn köm Battem toch bie Deawnter.

Battem ligt tusken de Skipbekke in t zuudn, en de spoerliene Almelo-Deawnter in t noordn. Doarbie ligt t an de A1-autobane met ne eegne ofrit (Ofrit 25). Battem had n eegn stasjon, mear det wör dr in de vieftiger joarn achterhen edoan. De leste joarn zeent dr plann um dit wier vanniessen lös te doon.

Vrieje tied

Battem hef ne algemene sportverenige, woerbie verskeaidene sportn edoan köant wordn, zo as voetbal, haandbal, zwemn en gemmestiek. Allene de voetbalofdelige hef al mear as 350 leedn.

Töt an 2008 wör dr alle joarn n groot feest egeewn: de Battemse Bêkefeestn, wat bie de manege eheuldn wörd. De leste joarn hebt doar verskeaidene bekeande en meender bekeande bands espöld, zo as De Dijk, Golden Earring, Uriah Heep, Normaal, The Sweet, Jovink en de Voederbietels en Within Temptation.

Battem is in de regio ook bekeand um diskotheek/restaurant/Feestzale Boode. De diskotheek is benaamd bekeand umdet'e ook op zöandagoawnd lös is.

Oetgoande verbeendiges

Commons: Battem - plaatjes, filmkes en/of gelüüdsbestanden.