Bagraain

Uut Wikipedia, de vrye encyklopedy
(döärstüürd vanaf "Bahrein")
Nå navigaty springen Nå söken springen
مملكة البحرين
Mamlakat al-Baḥrayn
Vlagge van Bagraain
Wåpen van Bagraain
Ligging van Bagraain
Ligging van Bagraain
Basisgegeavens
Officiele språke arabisk
Höyvdstad Manama
Regeringsform konstitutionele monarchy
Godsdeenst islam 82%, christendom 8%, buddhisme, hinduisme, joadendum en bahai (totaal oaverige 10%)
Geografy en bevolking
Uppervlakde
- Water
767 km²
0%%
Inwoanertal
- Dichtheid
1.410.942 (2017)
1.839,6 inw./km²
Koordinaten 35° 10′ N, 136° 0′ O

Koördinaoten: 35° N, 136° O

Oaverige
Volksleed Bahrainona
Münteynheid bahrainske dinar (BHD)
Tydzone +3
Web | Kode | Tel. .hb | BH | 973


Bagraain (Arabies: ‏البحرين (Baḥrayn), Engels: Bahrain), offisieel t Keunenkriek Bagraain is n laand ien t Middenoosten. t Is n lutje aailaand, sikkom zo groot as t Oldambt en Westerwolde soamen en ligt veur de kust van Saoedi-Arabië en Qatar ien de Perziese golf. t Wör veur de eerste moal onaofhaankelk ien 1783 dou de Perziese heersers verdreven wörren. n Poar joar loater kwam de Al-Khalifa-familie vanoet Qatar dij dou heersers wörren. Ien 1861 wör Bagraain n Britse kolonie en ien 1971 wör zai weer onaofhaankelk. De heufdstad is Manama en t laand het sikkom 1.234.596 ienwoners.

Bagraain het aaltieds n belaangriek stee waest en het zien onaofhaankelkhaid as lutje stoat te danken aan de aiwenolde haandel. Vrouger bestond de haandel veuraal oet dadels, visk en perels. Noudoags is t veuraal de eulie dij Bagraain riek maokt. Liek aander golfstoaten as Dubai, Qatar en Abu Dabi het Bagraain hom ien de laeste tienderjoaren gaauw ontwikkeld. De maiste ienwoners wonen ien t noorden van t heufdaailaand, veuraal ien de heufdstad. Noast t heufdaailaand heuren der nog 32 lutje aailanden tou Bagraain. t Heufdaailaand is via t aailaand Um an Nassan mit n brog verbonden aan t Saoediese vastelaand bie de stad Khobar.

Islam is aigelks de ainigste religie ien Bagraain. Sikkom 70 persint van de bevolken is Sji'iet en 30 persint, woaronder de keunenklike familie, is Soeniet. De reden dat de meerderhaid van de Bagraaini Sji'ieten binnen, ien tieds dat de omliggende laanden sikkom hailemoal Soenieties binnen, komt deur de grote ienvloud dij Iran had het. De keunenklike familie is Soenities omreden zai van oorsprong oet zintroal Saoedi-Arabië kommen. De noudoagse keunen van Bagraain is Hamad bin Isa Al Khalifa. Hai het ien 2002 t Emiroat omdoopt ien keunenkriek en is doarmit van emir n keunen worden.

Bagraain is internatsionoal veuraal bekend deur de Formule 1 Grandprix van Bagraain dij ien 2004 veur de eerste moal holden wör. Ook het Bagraain ien 2011 veul media-aandocht kregen deur de protesten dij doar holden wörren.

De heufdstad Manama ien 2006
Nuvola apps ksig.png Dit artikel is skreaven in et grönningsk, in de ANS.