Azerbeidzjanen

Uut Wikipedia, de vrye encyklopedy
Nå navigaty springen Nå söken springen
De Azerbeidzjaanse schaakgrootmeister Shakhriyar Mamedyarov

De Azerbeidzjanen of Azerbeidzjaanse Turken (Azerbeidzjaans: آذربایجانلیلار, Azərbaycanlılar, آذربایجان تركلرى, Azərbaycan türkləri) bint een Turks volk (Oegoezische takke) det wegkump uut 't gebied van de Kaukasus töt an 't Hooglaand van Iran. Ze wördt in een noordelke en een zudelke groep verdield. Nao de Turken van Turkije bint ze 't talriekste Turkse volk.

De mieste Azerbeidzjanen, tussen de twalef en de twintig miljoen, viej in Iran, in een gebied bekend as Iraans Azerbeidzjan, bestaond uut de pervincies Oost- en West-Azerbeidzjan, Ardebil en Zanjan. Wieder woont der roem tien miljoen in de Rippebliek Azerbeidzjan, die in 1918 opericht wördden, in 1922 bij de Sovjetunie wördden edaone en in 1991 vanneis de onofhaankelkheid uutreup. Wieder hej nog flinke groepen Azerbeidzjanen in 't naobernde Dagestan (Ruslaand), Georgië en Turkije.

Heur taal is 't Azerbeidzjaans, een Turkse taal. 't Azerbeidzjaans is nauw verwant an 't West-Oegoezisch, det ze praot in de Balkan en in Turkije. Umdet Azerbeidzjan een vroggere Sovjetrippebliek is, kunt der hiel wat ok Russisch as tweede taal.

De cultuur van de Azerbeidzjanen hef Kaukasische, Iraanse en Turkse (in de briede zin) elementen. De Azerbeidzjanen bint heufdzakelk sjiitische moslims. Minderheden bint soennitische moslims, christenen en anhangers van de bahai en 't zoroastrisme.

Nuvola apps ksig.png Dit artikel is eschreven in 't Zuudwest-Drèents.