Auguste de Marmont

Uut Wikipedia, de vrye encyklopedy
Nå navigaty springen Nå söken springen
Marmont op een schilderi'je

Auguste Frédéric Louis Viesse de Marmont (Châtillon-sur-Seine, 20 juli 1774 - Venetië, 2 meert 1852), was een Frans soldaot en generaal. Hij was ok duc de l'Empire en daorbi'j de 1e härtog van Dubrovnik (Ragusa). In Nederlaand is e veural bekend deurdet zien troepen de Pyramide van Austerlitz ebouwd hebt in de gemiente Wombärg.

Leaven[bewark | bronkode bewarken]

Marmont kwamp weg uut de legere adel. In 1792 gung hi'j van de artillerieschoele in Chalons weg. Deurdet e goed zien beste deed in 1793 tiedens et Beleg van Toulon gung e in 1798 met Napoleon met nao Egypte. Tiedens de staotsgreep van 1799 deur Napoleon steunden hi'j hum. In 1800 wier hi'j nao de ewunnen Slag bij Marengo töt generaal-majoor emaakt. Nao in juli 1806 töt generaal gouverneur van Dalmatië benuumd te wean voegden hi'j Ragusa hierbi'j deur et te annexeren. In 1808 wier hi'j töt härtog van Ragusa benuumd nao gevechen met et Russische Riek. Hi'j kreag ok de maarschalksstaf. Hi'j was in 1814 et heufd van de verdediging van Paries.

Pyramide van Austerlitz[bewark | bronkode bewarken]

Op de plek waor now de Pyramide van Austerlitz stiet was in 1804 et legerkamp van Marmont (Camp d'Utrecht) te vinden. Umdet zien soldaoten zich slim verveelden en ok um ze ganks te holden liet Marmont hier een pyramide van de eerde bouwen. Dit was bedoeld um Napoleon te eren. Eigenlik hietten de pyramide Marmontbärg, maar dit is nao de Slag bij Austerlitz veranderd in de Pyramide van Austerlitz. Marmont was et hier niet met iens.

Literatuur[bewark | bronkode bewarken]

In zien letste jaoren hield hi'j zich ganks met schrieven. Zien waarken bint belangrieke veur de militaire geschiedenisse van die tied.[1]

  • Voyage en Hongrie, etc. (4 volumes, 1837)
  • Voyage en Sicile (1838); trans. it., Milan, 1840
  • Esprit des institutions militaires (1845)
  • Cesar; Xenophon; and Mémoires (8 volumes, uut ebracht naodet e uut de tied gunk in 1856)

Verwiezing[bewark | bronkode bewarken]

  1. Chisholm, Hugh, ed. (1911). "Marmont, Auguste Frédéric Louis Viesse de". Encyclopædia Britannica. 17 (11th ed.). Cambridge University Press. pp. 744–745.
Nuvola apps ksig.png Dit artikel is eskreaven in et sallandsk.