Arend ten Oever

Uut Wikipedia, de vrye encyklopedy

Arend ten Oever (Dwingel, 24 september 1943 - 't Ogeveine, 18 juli 2012) was een Nederlaandse politicus van 't CDA en veurvechter van 't Nedersaksisch.

In 1974 kwaamp e in de gemienteraod van 't Ogeveine. In 1978 wördden e daor CDA-fractieveurzitter en vanof 1986 was e d'r wetholder. In 1993 wördden e benuumd as börgemeister van Ni'jlusen (Oaveriessel). Toe as de gemiente Ni'jlusen per 1 jannewaori 2001 wördden op-eheven en 't dörp bi'j Dalsen wördden edaone, hebt ze Ten Oever benuumd as börgemeister van Ommen. Op 't end van zien zesjaorige börgemeisterstermijn daor is e mit vervrogd pensioen egaone.

As veurzitter van de Nedersaksische streektaalorgenisaotie SONT hef e hum stark emeuken veur de poletieke erkenning van 't Nedersaksisch, mit name de erkenning van de taal onder diel III van 't Europees Haandvest veur regionaole talen of talen van minderheden. Op 10 april 2012 was e in 't pregramma Drents Diep van RTV Drenthe nog slim hellig oaver de ofwiezing van dizze erkenning deur de rieksoaverheid. Op 18 juli wördden e onder 't kuiern niet goed en kwaamp e, op 68-jaorige leeftied, uut de tied.

Uutgaonde verwiezing[bewark | bronkode bewarken]

Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.