Arameesken
De Arameesken, dee at zikzelf in öare eegne sproake (t Aramees) Suryoye, of Oromoye neumt, beent n volk dee at zegnt det ze ofstamt van de oolde Arameesken, dee at n groot riek hadn töt t achtste joarhoonderd vuur Kristus, in t gebeed det non verdeeld is oawer t zuudn van Turkieje, Irak, Syrië en t westn van Iran. In Neerlaand wordt ze wal es duur mekoar ehaald met de Christen-Turkn.
Noa dee tied köm t Riek in verval, en verspreaidn zik t volk oawer de hele wearld, zo as noar Europa, Australië, Niej-Zeelaand en Amerika, en det is zo töt non too zo ebleewn. Det wör op gaank ebracht duur gebuurtenisse zo as de Arameeske Massamoord kort vuur n Eerstn Wearldoorlog an, en de Massamoord van Semele in Irak (1933) en n Islamitiesen Opstaand in Iran.
Dr wont grote groepn Arameesken in Amerika, Zweedn en Duutslaand. In Neerlaand wont ongevear 30.000 Arameesken, met ne grote groep in Eanske, woer at ook öar klooster Mor Afrem steet, en ne koarke in Riesn, Hengel (Oaveriessel), Amsterdam, Oldnzel en Badhoevndorp.