Alpe d'Huez

Uut Wikipedia, de vrye encyklopedy

Den Alpe d'Huez is nen barg en wintersportgebeed in de franske Alpen. Et ligt up 1860 meter höygde up de süüdwestflank van den Pic Blanc. Et ligt in et bargmassiv van de Grandes Rousses in et süüdwesten van de Alpen. Alpe d'Huez sölv en de skipistes ligget boaven de böymgrens, summige skiliften beginnet ungevear up de böymgrens.

Den Alpe d'Huez ligt up de vöärmålige alpenweides van et dorp Huez (dår is et når vernöömd) en ligt so nen 59 kilometer van Grenoble. Et skistation is bereikbår vanuut Grenoble via den D1091 den de vallei van de Romanche völgt, langs de gemeyndes Livet-et-Gavet en Le Bourg d'Oisans. Vanuut et ousten (Col du Lautaret) is den Alpe d'Huez ouk te bereiken via den Col de Sarenne, mår de route vanav Bourg d'Oisans is meystal rapper.

Den Alpe d'Huez is in Neaderland bekend ewörden as ankumst in de Runde van Frankryk.

Dit artikel is eskreaven in et achterhooksk.