Afon Garw
Den Afon Garw (Engels: River Garw, oawerzat: roewen rivier) is nen rivier in Kumrië den as ongevear 19 km laank is. Zinne welle lig in de heuwels op et noorden van Blaengarw en keump oet in den samnloop met den Afon Ogwr en den Afon Llynfi bie Abercynffig. Et is enen van de dree belangriekste ziedstreume van den Afon Ogwr.
Stroom[bewark | bronkode bewarken]
Den Afon Garw ontspreenk in Blaengarw en löp deur de döarpkes Pontycymer, Pontygog, Lluest, Braichycymer, Tylagwn, Langeinor en Abergarw. An et eande lig Brynmenyn, woar as den rivier met den Afon Ogwr samen vlöait.
Ziedstreume[bewark | bronkode bewarken]
In et dal woarnoar as den rivier nöamd is, loopt een antal bekken den rivier in. Hieroonder stoat disse ziedtäkke vanof de welle töt an den samenvlöai met den Afon Ogwr:
- Nant Cwm Gwyn
- Ffynon Daren Goch
- Nant Cwm gweinen
- Cwm Nant Hir
- Nant Gelli Wern
- Nant Forch Wen
- Nant Garw Fechan
- Nant Lwyn cria
- Nant Y Cwrdu
- Nant Felin arw
- Cae Garw Drehir
Industrie langs den stroom[bewark | bronkode bewarken]
De effekten van kollenmienen in et dal, zoowa van kleaine familiebedriefkes en gröttere bedrieven, warren vrogger good te zeen. Den rivier wör versmeard töt et zwarte too, woardeur et den bienaam "Black River" (zwarten rivier) kreeg.
Natuur[bewark | bronkode bewarken]
Vrogger zwummen der zälme en aandere visken. Deur de gröaiende industrie in et dal verdwenen disse. Noe at de kollenmienen dichte zeent, komt ze heanig an wier.
Den Afon Garw löp ok deur Bryngarw Country Park, een natuurpark woar as völle verskillende soorten vöggel zeen worden könt.
Oawerstreumingen[bewark | bronkode bewarken]
As et veur nen langen tied slim reagent, kan den Afon Garw mangs boeten de oevers goan, ok de döarpe in. Umdet de meeste döarpe heugerop in et dal lignt, keump et neet vake veur, moar de huze dee leager ligt, könt der wa last met kriegen. Een hoes wat bie ne hangbrugge veur keender steund, hebt ze der ofsköawen, umdet et te vake oawerstreumden. De ziedbekken könt ok onverwochts rap oawerstreumen.