AC/DC

Uut Wikipedia, de vrye encyklopedy
Nå navigaty springen Nå söken springen
AC/DC by 'n uptreaden in Buenos Aires, Argentinie in 2009

AC/DC is nen rockband uut Australie. De van oorsprung skotske bröders Malcolm en Angus Young begünnen de band in 1973 in Sydney. Öäre musik wördt vake umskreaven as hardrock, bluesrock en heavy metal, mär selv nöömt se et gewoan Rock 'n' Roll.

AC/DC döärlöyp verskillende besettingen vöärdat se öär eyrste album, High Voltage, uutgavven in 1975. De besetting wör stabil rund de Young-bröders, sanger Bon Scott, drummer Phill rudd, en bassist Mark Evans. In 1977 wör Evans der achterhen dån. Cliff Williams nöäm syne steade in en hevt seyd et album Powerage in 1978 ginne upname meyr misd. In februari 1980, ses månd nå uutkomst van et album Highway to Hell, störv Scott an akute alkoholvergivtiging. Den band oaverlegden üm uut mekander te gån, mär beslöäten by mekander te blyven. Brian Johnson wör anehaald as den nyen sanger. Etselvde jår brachteden se öär eyrste album med Johnson uut, Back in Black, as eyrbetöyn an Scott. Et album besorgden öär nye höygdes van sukses en wör eyne van de bestverkoupende van alle tyden.

Et achtste studioalbum, For Those About to Rock We Salute You, uut 1981, was et eyrste album wat up eyne in de Vereynigde Ståten köm. Vöäraf an de uutgave van et volgende album Flick of the Switch (1983) wör Rudd untslån van AC/DC. Simon Wright nöäm syne steade in, mär skeiden der in 1989 med uut. Chris Slade nöäm syne steade in. Ne kommerciäle upleaving köm med et twaalvde studioalbum The Razors Edge (1990). Rudd vervüng Slade weader in 1994 en nöäm de volgende veer albums med öär up. Öär vyvteende album Black Ice was et eyn-nå-best verkoupende van 2008 en öär grötste hit seyd For Those About to Rock. Uuteyndelik haalden se de höygste steade in alle hitlysten wearldwyd.

Töt 2014 bleav de besetting van AC/DC etselvde, töt Malcolm Young in 2014 med pensioon güng weagens vroge dementy (hee köm in 2017 uut de tyd) en Rudd weagens rechtsaken. In 2016 seade den dokter Johnson te stoppen med uptreaden weagens toneamende höyrskade. Den vöärman van de band Guns N' Roses, Axl Rose, völ de rest van et jår in as sanger. Bassist en achtergrundsanger Cliff Williams skeiden der med uut an et ende van de Rock or Bust World Tour in 2016. De grup is seyd dee tyd nit meyr aktiv. Toch sint se noch nit officieel uut mekander. Ouk gåt der gerüchten dat se gangs sint med 'n ny album en tour, med de noch leavende olde besetting van et Back in Black-tydperk.

AC/DC hebbet wearldwyd meyr as 200 miljoon upnames verkocht. Dårmed ståt se up nummer 14 in de lyste van bestverkoupende artisten van de wearld. Back in Black is når skatting wearldwyd meyr as 50 miljoon mål verkocht. Dårmed is et de darde-bestverkochte plate van alle artisten en et bestverkoupende album van wat vöär band dan ouk. AC/DC steyt up vere in VH1's lyste van "100 grötste hardrockartisten". MTV nöömden öär de söävende "Grötste heavymetalband van alle tyden". Ouk ståt se houge in noch heyl wat meyr lysten van "Grötste artisten".