't Hof van Commerce

Uut Wikipedia, de vrye encyklopedy
Nå navigaty springen Nå söken springen

't Hof van Commerce is nen vlaamsken hiphopgruup uut Izegem, den besteyt uut Flip Kowlier (Filip Cauwelier) ouk wal 'Levrancier', Buyse (Serge Buyse) ouk wal 'Dommestik' en DJ 4T4 (Kristof Michiels). De raps bünt vöärnåmelik in et westvlamsken dialekt en bünt humoristisk, mar våke ouk politik eklöörd. Sy hebbet völle gastrappers up öäre cds uutenöydigd. Dit bünt under anderen Balo, Brahim, Riemeloare (De Nihilisten), TLP, Gabriel Rios, MCs Spok en Statiek (Indigenous), Peter Lesage en Nina Babet (u.a. Moiano). Alle leden hebbet ouk ne solokarriere uutebowd nevven dissen gruup. Flip Kowlier under deeselvde nåme, Buyse under dee nåme en 4T4 u.a. by Ultrasonic 7 en as Meneer Michiels.

Geskydenis[bewark | bronkode bewarken]

In 1997 untstund et Hof Van Commerce ("'t Hof Van Commerce") en in 1998 debuteerden den gruup med de cd En in Izzegem. Ouk dårnå verwesen de leden van 't Hof van Commerce in verskeydene nümmers når öären izegemsken afkumst. Al et dårupvölgenden jår verskeen öär tweyden album: Herman. In 2002 verskeen öär darden album Rocky 7. Den gruup speelden in 2003 dan ouk up de meyste festivals in Belgie en Neaderland (under meyr de Lokerse Feesten, Lowlands, Marktrock Leuven en et höyvdpodium van Rock Werchter). In 2005 verskeen öären veerden cd Ezoa en niet anders, up eyn döär öärselv uperichted label "Plasticine". Flip Kowlier vertelden up 20 december 2010 tydens en vråggesprek up de Izegemse Radio Omroep dat der in 2011 an ny materiål ewarked wordet. Dit sül motten resulteren in ne nye single in et najår van 2011. Doo Serge Buyse in 2011 et album Buyse uutbracht, wyr duudelik dat ne reunie in de måk was. De eyrste single wupperbol van et nye album wyr uutebracht in december 2011. Up 24 februari 2012 kwam öär nyen album Stuntman uut en dat håleden medeyn de eyrste plaatse in de iTunes charts.

Nuvola apps ksig.png Dit artikel is eskreaven in et achterhooksk.