Zeelaand

Oet Wikipedie, de vraaie enzyklopedie

Provìnzie Zeelaand


Vlage van Zeelaand	Woapen van Zeelaand

Heufdstad

Milburg

Kommissoares van de Keunegin

drs. W.T. (Wim) van Gelder

Religie (1999)

Protestantisme 35%
Katholicisme 23%

Oppervlak
- Laand
- Woater

10e
1.788 km²
1.146 km²

Inwoner
- Totaal
- Bevolkensdichtte

11e
380.186 (1 jannewaori 2006)
212 inw./km²

Geogroafische liggen

51°30' NB 3°36' OL

Volkslaid

Zeeuws volkslied

Offisjele webstee

www.zeeland.nl

Zeelaand (Zeeuws: Zeêland, Nederlaans: Zeeland) is een previnsie van Nederlaand, dee in 't zuudwessen van 't laand lig. 't Grens an Zuud-Hollaand, Noord-Braobant, en de Belgische previnsies West-Vlaanderen, Oost-Vlaanderen en Antwarpen. Mit ongeveer 380.000 inwoeners hef 't nao Flevolaand de minste inwoeners van alle Nederlaanse previnsies. De heufstad van de previnsie is Milburg.

De veurnaamste inkomsbronnen bin laandbouw, visserieje en toerisme. Der koemen veural veul Duutsers naor Zeelaand.

[bewark] Geografie

De geografie van de previnsie is vrie uniek in Nederlaand: van 't grootste deel besteet 't uut eilanen en uut waoter. Daovan is de naam oek ofkomstig. De veurmaolige eilanen bin Schouwen-Duvelaand, Noord-Bevelaand, Sint-Filipslaand, Tholen, Walcheren en Zuud-Bevelaand. 't Zujen van de previnsie heet Zeeuws-Vlaanderen en is vastelaand en is via een tunnel over Belgisch laand en ene via Zuud-Bevelaand te bereiken. De waoterwegen bin de Grevelingen, de Schelde (zie Oosterschelde), de Westerschelde en nog een antal kleinere waoterwegen, zoas 't Veerse Meer.

[bewark] Taal

In 't grootste deel van Zeelaand wonnen der Zeeuws espreuken (zo'n 60%). Terwiel disse streektaal in de stejen, veural in Milburg en Vlissingen, stark achteruut geet, behouwen de inwoeners van 't plattelaand der eigen streektaal wel aorig. Uutschieters bin meestentieds vissersplekken zoas Annemujen, Brunisse en Westkapelle, mar oek in de tredisjonele boerendarpen wonnen de taal an de jongeren deur-egeven.

In 't Laand van Hulst en een paor grensdarpen uut 't Laand van Aksel wonnen gien Zeeuws espreuken mar Oost-Vlaams. De dialekken uut de res van Zeeuws-Vlaanderen wonnen soms tot 't Zeeuws erekend, dan weer tot 't West-Vlaams, dit is umdat ze feitelijk van allebeie wat hemmen.