West-Afrika

Uut Wikipedia, de vrye encyklopedy
Doonkergreun: West-Afrika (subregio van de VN)
Lechtgreun: Maghreb, Ne ofzeunderlike strekke.

West-Afrika, Westelik Afrika of t Westn van Afrika is t westelike deel van t Afrikaanse wearlddeel. Vanoet politiek oogpeunt reknt de Verenigde Nasies de volgende 16 Afrikaanse laandn met ne strekke van ongevear 5 miljoen kilometer in t veerkaant bie West-afrika:

Benin Gambia Liberia Nigeria
Burkina Faso Ghana Mali Senegal
Cape Verde Guinea Mauritanië Sierra Leone
Ivoorkuste Guinea-Bissau Niger Togo

A'j t nauw bekiekt heurt de Kanariese Eilaandn dr ook bie, mer umdet dee bie Spanje bie an heurt, wordt ze meestal nit met ereknd.

Met oetzeundering van Mauritanië heurt al disse laandn bie Economiese Gemeenskop van West-Afrikaanse Stoatn (EGWAS) wat in mei 1975 is op erichet.[1] t Verenigde Nasies-gebeed umvat ook t Sunte Helena-eilaand, n Brits oawerzees gebeed in n zudelikn Atlantiesen Oseaan.

Kultuur[bewark | bronkode bewarken]

Ondaanks de grote verskeaidnheaid an kultuurn in West-Afrika zeent dr van Nigeria tot an Senegal algemene oawereenkomstn in kleare, kökngebroekn, muziek en ummegaanksvörme dee't nit völle met met groepn oet aandere deeln van Afrika deeld wordt. Dr hef lange ne kulturele oetwisseling ewest tusken de verskilnde gebeedn, wat terugge geet töt vuur de kolonisasie, met t zwöartepeunt woarskienlik tiedns t Ghanese Riek of nog earder.

Achtergroond[bewark | bronkode bewarken]

West-Afrika ligt op t westn van nen deankbeeldigen van noord töt zuud kort bie de 10° oosterleankte[2] n Atlantiesn Oseaan is de westelike en zudelike greanze van de West-Afrikaanse strekke.[2] De noordelike greanze is de Sahara, woerbie't de Ranishoe-buging duur mekoar as de noordgreanze zeen wörd.[3] De oostergreanze is wat meender nauwkurig; wat leu meant at denn ligt op de Benuekloof en aandern meant at he ligt op de liene tusken de Kameroenboarg töt an t Tsjaadmear.

De koloniale greanzn zeent te zeen in de hudige stoatn, dee't mangs volker met dezelfde etniese en kulturele achtergroond verdeelt oawer twee of mear laandn.[4]

Wat sproake anbelangt zeent de West-Afrikaanse leu geliek in det ze ginne Bantoesproakn sprekt, in teegnstelling töt leu in Midn-Afrika en Zudelik Afrika.[5]

Verwiezingn[bewark | bronkode bewarken]

  1. Paul R. Masson, Catherine Anne Pattillo, "Monetary union in West Africa (ECOWAS): is it desirable and how could it be achieved?" (p: Introduction). International Monetary Fund, 2001. ISBN 1-58906-014-8
  2. 2,0 2,1 Peter Speth. Impacts of Global Change on the Hydrological Cycle in West and Northwest Africa, p33. Springer, 2010. ISBN 3-642-12956-0
  3. Anthony Ham. West Africa p79. Lonely Planet, 2009. ISBN 1-74104-821-4
  4. Celestine Oyom Bassey, Oshita Oshita. Governance and Border Security in Africa. p261. African Books Collective, 2010 ISBN 978-8422-07-1
  5. Ian Shaw, Robert Jameson. A Dictionary of Archaeology. p28. Wiley-Blackwell, 2002. ISBN 0-631-23583-3