Waore Jezuskärke

Uut Wikipedia, de vrye encyklopedy

De Waore Jezuskärke (Chinees: 真耶穌教會) is rond 1900 as Chinese variant van de Pinkstergemeente van 't christendom ontstaon. De Waore Jezuskärke is een niet-confessionele (onofankelijke) kärke die in 1917 in Peking evestigd wönnen. De udige verkeuzen veurzitter van TJC Internasionale Assembläzie is veurganger Yung-Ji Lin. Der bin wereldwied zwat 1,5 miljoen an-angers. De kärke wiest de Drie-ieneid of en beskouwt God en Jezus as ien en dezelfde.

De vuuf belangrieke doctrines[bewark | bronkode bewarken]

De 5 essentiële doctrines van de Waore Jezuskärke bint:

1. Eilige Geest[bewark | bronkode bewarken]

"'t Ontvangen van de Eilige Geest, waorvan bliek egeven wordt deur in tongen te spreken, is de waorbörge van onze beärving van 't Keuninkriek van d' emel". (Rom 8:16, Eph. 1:13, 14).

2. Deup[bewark | bronkode bewarken]

"De deup deur wäter is 't sakrement veur de vergeving van zundes veur de wedergeboorte. De deup mut in netuurlijk wäter plääsvienen, zoas een revier, de zee of een bron. De deuper, die zelf a; edeupt is mit wäter en mit de Eilige Geest, voert de deup uut in de naam van den Eer Jezus Christus. De deupeling mut volledig in 't wäter onder-edompeld wonnen, mit 't eufd ebeugen en 't gezichte naor beneden (Jannes 3:5; Matteüs 3:16; Aandelings 2:38, 10:48).

3. De voetwassing[bewark | bronkode bewarken]

't "sakrement van de voetwassing" stelt mensen in staot de ervaoring te dielen mit Jezus. 't Dient ok as constante erinnering da-j liefde, eiliging, nederigeid, vergeving en dienstverlening neudigebt. Iederiene die de deup ondergaon ef mut zien of eur voeten laoten wassen in de naam van Jezus Christus. De wederziedse voetwassing kan uut-eoefend wonnen as dät passend is. (Jannes 13:17)

4. Eucharistie[bewark | bronkode bewarken]

De Eilige Communie is 't sakrement um de dood van Christus te erdenken. Ierbi'j diel ie in 't vleis en 't bloed van den Eer, umdä-w 't eeuwige lèven ebt en op de Leste Dag wonnen op-ewekt. Dit sakrement wordt zoväke as meugelijk evierd. Allinnig ien ongedesemd brood en droevensap mag gebruukt wonnen. (1 Korintiërs 10:17, 11:26; Jannes 6:53).

5. Sabbat[bewark | bronkode bewarken]

De Sabbat, de zeuvende dag van de weke (zaoterdag), is een Eilige Dag, e-eiligd deur God. De dag wördt onder Gods genaode evierd ter erdenking van de skepping en Zien redding in de oop op de eeuwige rust in 't iernaomaols.

Disse pagina is eskreven in 't Attems