Veluwemeer

Oet Wikipedie, de vraaie enzyklopedie
Gao naor: navigasie, zeuk

't Veluwemeer is een langwarpig meer tussen de noordelijke Veluwe en oostelijk Flevoland. 't Is één van de raandmeren dee ontstaon is nao de inpoldering van 't Iesselmeer. In 't zuudwesten, veurbie de aquaduk bie Harderwiek, grens 't Veluwemeer an 't Wolderwied. In 't noordoosten, veurbie de brogge bie Elburg, grens 't an 't Drontermeer. 't Meer wonnen onder aandere evoed deur de Hierdense Beke.

't Veluwemeer vervul een belangrieke toeristische functie, heufzakelijk waoter- en straandrecreasie. Der liggen een bulte campings en jachthavens an 't meer. Veerder is 't belangriek veur de waoterhuushouwige en de scheepsvaort. 't Hef een waoteroppervlak van zo'n 3.250 bunders.