Tikplanke
Een tikplanke of toetsenbord is een onderdeel van een computer of aandere apperaot dee-j gebruken um woorden of hele teksen in te tikken. Een tikplanke besteet uut eenvoudige schakelmechanismes um een bepaolde functie van een mesine of een preces an te sturen. Een tikplanke wonnen meestentieds emaak van een hard materiaal zoas plestiek. 't Oppervlak van een tikplanke is meestentieds egaol of is evormd naor de vinger of haand van de meens, der mut altied genog plek ween um 't makkelijk in te kunnen drokken.
Op de knoppen van een tikplanke staon letters, getallen en aandere markeringen um 't verschil van de toetsen en de functies dudelijk te onderscheien van mekaar. Op sommigen knoppen staon oek streepjes dee-j veulen kunnen, zo wee-j welke toetse je mutten gebruken a-j bliend tikken. Tot in vrogge 20e eeuw wanen der gien tikplanken. De veurloper van de tikplanke was de mechanische schriefmesine uut 't begin van de 20e eeuw, evolg deur elektromechanische apperaoten dee verwark bin in telexapperaoten.
Een toetsenbord kan oek verwiezen naor een soort elektronische piano.
