Tengeltangel

Van Wikipedie

Een tengeltangel of piano is een meziekinstrement dat of-eleid is van de klavecimbel. 't Woord piano kump van 't Italiaanse woord fortepiano of pianoforte, dit betekent dat 't instrement harde en zachte geluden kan speulen. Dit was in de tied dat 't emaakt werd meestentieds niet zo bie andere toetsenbordachtige instrementen.

Een gewone tengeltangel hef 88 toetsen. Tengeltangels gebruken de toetsen um de hamers te verplasen die op een drötien slaon en 't geluud maken.

Tengeltangels worden veural gebruukt in klassieke meziek en kamermeziek. Ze worden ok wel gebruukt as begeliedend instrement in andere meziekvormen.

Aover 't algemeen wordt an-eneumen dat de maker van de tengeltangel Bartolomeo Cristofori van Padua, Italië was. 't Is niet precies bekend wenneer Cristofori zien eerste tengeltangel ebouwd hef, mar een inventaorislieste die deur zien medewarkers emaakt is geef an dat de tengeltangel in 1700 al bestond. De drie tengeltangels van Cristofori die aover-eleverd bint, stammen uut 1720 tot 1729.

De drie bekendste speulers van de tengeltangel allertieden wereldwied waren onder andere Wolfgang Amadeus Mozart, Ludgwig van Beethoven en Johann Sebastian Bach.