Slag bi'j Ane
De Slag bi'j Ane wördden uutevochten umtrent 't jaor 1227 in de buurte van 't Sallaandse Ane. Daor kwamen de bisschop van Utrecht, Otto II van Lippe, en veul van zien ridders langes op weg naor Drènthe umme daor de opstaandige Drenten die eweigerd hadden belasting te betalen een lessien te leren.
Rudolf II van Coevern har een fiks antal Drèentse bendes op-ereupen umme gezamelijk de eigenwieze bisschop an te pakken. De bisschop har een groot antal kriegsheren op-ereupen, verstarkt deur een antal kriegsscharen van de bisschoppen van Münster en Keulen.
De Drèenten wussen det ze mit heur schaars bewaopend, onervaren leger zo'n machtig ridderleger in open veld nooit verslaon kunden. Ze gungen daorumme terugge hen een moerassien mit de name De Mommeriete. 't Bisschopsleger kwaamp d'r achter an en zakte mit de zwaore peerden en harnassen in de bagger weg. De zwaorbewaopende ridders zagen gien kaans umme heur staande te holden op de zompige bodem. Het ongeoefende Drèentse boerenvolk leupen mit heur lichte bewappening zo oaver 't heur niet vrömde moerasgebied en meuken de mieste ridders een koppien kleiner, waoronder de bisschop zölf.
 |
Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek. |
