Schierling

Oet Wikipedie, de vraaie enzyklopedie
Gao naor: navigasie, zeuk
Schierling in de barm

Schierling of fluitekruud (Latien: Anthriscus sylvestris) is een plant uut de scharmbloemefemilie (Apiaceae). Disse soort komt in Nederland algemeen veur, veural op plekken die mit gres begreuid bin. De plant komt aorig vaak veur in wegbarmen die hierdeur wit-ekleurd worren.

Schierling komt van oorsprong veur in Europa, West-Azië en Noordwest-Afrika; in 't zujen bie 't Middellanse Zeegebied komt 't veur in de hoger-elegen gebieden. De schierling is verwant an de pieterselie, de wortel, de bereklauw en de evlekte schierling.

Botanische beschrieving[bewark | bronkode bewarken]

De scharmen bin samen-esteld uut witte bloempjes die aorig vrog bleuien. De plant is behaord en kan anderhalve meter hoog worren. De stengels bin hol en egreufd en hen vaak een rooie gleui. Deurdat de stengel hol is, kan der een fluitjen van emaakt worren, hier komt de Nederlanse naam (fluitenkruid) oek vandaon.

De bloem is wit en het een deursnee van drie tot vier millimeter. Elk bloempjen het een umwienseltjen en vuuf kroonblaojen, waovan der twee kleiner bin. De bloemen vormen samen-estelde scharmen mit acht tot vuuftien scharmstraolen. De bleuiperiode loopt van april tot juni. De blaojen bin twee- tot drievoudig eveerd; de onderkant is zachtbehaord. Schierling het donkerbrune, cilindervormige vruchjes mit een eribde snavel.

Nedersaksisch[bewark | bronkode bewarken]

Fotogallerie[bewark | bronkode bewarken]

Uutgaonde verwiezingen[bewark | bronkode bewarken]

Wikimedia Commons Commons: Schierling - plaetjes, filmkes en/of geluudsbestaanden.
Nuvola apps ksig.png Disse pagina is eschreven in 't Armeloos